.jpg)
នាយកប្រតិបត្តិយូនីសេហ្វលោកស្រី Henrietta Fore។ AFP
កាលពីថ្ងៃច័ន្ទ ទី ៣ ឧសភាប្រធានមូលនិធិបន្ទាន់សម្រាប់កុមារអន្តរជាតិរបស់អង្គការសហប្រជាជាតិ (យូនីសេហ្វ) អំពាវនាវឱ្យបណ្តាប្រទេសក្នុងពិភពលោកចូលរួមជួយប្រទេសឥណ្ឌាក្នុងការទប់ស្កាត់ការរីករាលដាលកូវីដ១៩ក្នុងប្រទេសនេះ។
នាយកប្រតិបត្តិយូនីសេហ្វលោកស្រី Henrietta Fore បាននិយាយនៅក្នុងកិច្ចសម្ភាសន៍ជាមួយសារព័ត៌មាន CNBC បាននិយាយថា៖ «វាគួរឱ្យព្រួយបារម្ភដោយប្រព័ន្ធថែសុខភាពសាធារណៈរបស់ពួកគេគឺមានតម្រូវការលើសលប់។ វាជាតម្រូវការសម្រាប់ការព្យាបាលដោយប្រើឧបករណ៍អុកស៊ីហ្ស៊ែ និងការព្យាបាលផ្សេងដែលយើងមិនធ្លាប់បានឃើញនៅក្នុងការព្យាបាលអ្នកជំងឺកូវីដ១៩នៅក្នុងប្រទេសដទៃទៀត»។
គិតមកដល់បច្ចុប្បន្ន ករណីវិជ្ជមានកូវីដ១៩សរុបនៅប្រទេសឥណ្ឌាមានប្រមាណជាង ១៩ លាននាក់ និងចំនួនអ្នកស្លាប់ប្រមាណជាង ២ ម៉ឺននាក់នៃប្រជាជនសរុបជិត ១,៤ កោត នាក់។ ប្រទេសឥណ្ឌាកំពុងព្យាយាមទប់ស្កាត់រលកទី ២ ដែលបណ្តាលឱ្យមានករណីវិជ្ជមានកើនឡើងគួរឱ្យកត់សម្គាល់។
បណ្តាប្រទេសលោកខាងលិចមួយចំនួនបានចូលរួមផ្តល់ជាជំនួយដូចជា សម្ភារវិជ្ជសាស្ត្រមួយចំនួនទៅប្រទេសឥណ្ឌា ដើម្បីទប់ស្កាត់ការរីករាលករណីវិជ្ជមានកូវីដ១៩បច្ចុប្បន្ន៕
