ក្រុងធូបាស់៖ មន្ត្រី និងសាក្សីបាននិយាយកាលពីថ្ងៃពុធថា យោធាអ៊ីស្រាអែល បានកម្ទេចផ្ទះ Palestinian Bedouins ជិត ៨០ ខ្នង នៅក្នុងតំបន់កាន់កាប់វ៉េសប៊ែង នៅក្នុងប្រតិបត្តិការដ៏កម្រមួយ ដែលបានកំណត់គោលដៅយ៉ាងឆាប់រហ័សទៅលើសហគមន៍ប៉ាឡេស្ទីនទាំងអស់នៅទីនោះ។
យោងតាមអ្នកថតរូបកាសែត AFP ម្នាក់នៅកន្លែងកើតហេតុដែលបានមើលឃើញមនុស្សរាប់សិបនាក់ ចាកចេញពីផ្ទះសំបែងបានឱ្យដឹងថា កាលពីល្ងាចថ្ងៃអង្គារកន្លងទៅ រថយន្តឈូសឆាយរបស់អ៊ីស្រាអែល បានវាយកម្ទេចភូមិប៉ាឡេស្ទីនចោល នៅក្នុងនោះរួមមាន តង់ បង្គន់អនាម័យ និងប្រព័ន្ធប្រើប្រាស់ពន្លឺព្រះអាទិត្យមួយចំនួន នៅជិតទីក្រុងធូបាស់ នៅក្នុងជ្រលងភ្នំចូរដេន។
នាយករដ្ឋមន្ត្រីប៉ាឡេស្ទីនលោក ម៉ូហាម៉េដ ស្សាតៃយីហ៍ បានចោទប្រកាន់កងកម្លាំងអ៊ីស្រាអែល ពីបទ «កម្ទេចភូមិហ៊ូមសា អាល់-បាហ្ស៊ាទាំងមូល ដោយបានបណ្តាលឱ្យមនុស្សប្រហែលជា ៨០ នាក់ គ្មានផ្ទះសំបែងរស់នៅ»។
យោធាអ៊ីស្រាអែល បានទទួលខុសត្រូវចំពោះកិច្ចការស៊ីវិលនៅក្នុងតំបន់វ៉េសប៊ែង គឺអង្គភាព COGAT បានថ្លែងថា ខ្លួនបានកម្ទេចរចនាសម្ព័ន្ធជាច្រើន ដែល «បានសាងសង់ដោយខុសច្បាប់ នៅក្នុងតំបន់ប្រយុទ្ធគ្នាមួយកន្លែង (តំបន់បណ្តុះបណ្តាលយោធា) នៅក្នុងជ្រលងភ្នំចូរដេន»។
ជ្រលងភ្នំចូរដេន បានធ្លាក់ចូលទៅក្នុង «តំបន់ C» របស់វ៉េសប៊ែង ដែលត្រូវបានគ្រប់គ្រងដោយយោធា៕ AFP/SK