កាលពីថ្ងៃអង្គារ ទី ១៦ មីនា រដ្ឋមន្ត្រីការបរទេសអាមេរិកលោក Anthony Blinken បានអំពាវនាវឱ្យទំនាក់ទំនងពាណិជ្ជកម្ម និងសន្តិសុខរវាងអាមេរិក និងជប៉ុន កាន់តែស៊ីជម្រៅជាងមុន ខណៈលោកជាមួយនឹងរដ្ឋមន្ត្រីការពារជាតិលោក Lloyd Austin ធ្វើទស្សនកិច្ចទៅក្រៅប្រទេសជាលើកដំបូង ដើម្បីពង្រឹងសម្ព័ន្ធភាពអាមេរិក។
ក្នុងកិច្ចប្រជុំ «២+២» ជាមួយនឹងរដ្ឋមន្ត្រីការបរទេសជប៉ុនលោក Toshimitsu Motegi និងរដ្ឋមន្ត្រីការពារជាតិជប៉ុនលោក Nobuo Kishi ពួកគេបានពិភាក្សាលើបញ្ហាជាច្រើនដូចជាសេរីភាពនៃការធ្វើនាវាចរណ៍នៅសមុទ្រចិនខាងត្បូង និងខាងកើតសន្តិសុខខ្សែចង្វាក់ផ្គត់ផ្គង់គ្រឿងអេឡិចត្រូនិក ការគំរាមកំហែងនុយក្លេអ៊ែររបស់កូរ៉េខាងជើង និងរដ្ឋប្រហារនៅមីយ៉ាន់ម៉ា៕