.jpg)
លោករដ្ឋមន្ត្រីការពារជាតិអាមេរិក Lloyd Austin ។ AFP
រដ្ឋមន្ត្រីការពារជាតិអាមេរិកលោក Lloyd Austin និងរដ្ឋមន្ត្រីការពារជាតិជប៉ុនលោក Nobuo Kishi ក្នុងកិច្ចប្រជុំរបស់ពួកគេកាលពីសប្ដាហ៍មុន បានយល់ព្រមធ្វើកិច្ចសហប្រតិបត្តិការយ៉ាងជិតស្និទ្ធក្នុងករណីមានជម្លោះយោធារវាងចិន និងតៃវ៉ាន់ នេះបើតាមការរាយការណ៍របស់សារព័ត៌មាន Kyodo News កាលពីថ្ងៃអាទិត្យទី ២១ មីនា។
លោក Austinបានលើកឡើងពីបញ្ហានេះនៅពេលដែលលោក បានជួបជាមួយ Kishi កាលពីថ្ងៃអង្គារកន្លងទៅតែគ្មានការពិភាក្សាអំពីភាពជាក់លាក់នៃរបៀបដែលប្រទេសទាំងពីរគួរសម្របសម្រួលការឆ្លើយតបចំពោះភាពអាសន្នបែបនេះ។
មកដល់ពេលនេះជប៉ុន បានបដិសេធមិនធ្វើអត្ថាធិប្បាយអំពីស្ថានភាពអាសន្នដែលអាចកើតមាននៅកោះតៃវ៉ាន់ទាក់ទងនឹងប្រទេសចិន ហើយជំហររបស់ខ្លួននៅតែលើកទឹកចិត្តដល់កិច្ចពិភាក្សារកដំណោះស្រាយដោយសន្តិវិធីលើភាពតានតឹងឆ្លងកាត់ព្រំដែននេះ៕
