កាលពីថ្ងៃពុធ ទី ៧ មេសា រដ្ឋមន្រ្តីក្រសួងការបរទេសតៃវ៉ាន់បាននិយាយថា កោះតៃវ៉ាន់នឹងប្រយុទ្ធដល់ទីបញ្ចប់ ប្រសិនបើចិនវាយប្រហារមកលើកោះតៃវ៉ាន់។
កោះតៃវ៉ាន់អះអាងថា កងទ័ពអាកាសរបស់ប្រទេសចិន ធ្វើសមយុទ្ធស្ទើរតែរាល់ថ្ងៃនៅក្នុងតំបន់ការពារដែនអាកាសរបស់តៃវ៉ាន់។ កាលពីថ្ងៃទី ៥ មេសា ប្រទេសចិន បាននិយាយថា ក្រុមនាវាដឹកយន្តហោះកំពុងធ្វើសមយុទ្ធនៅជិតកោះនេះ។
រដ្ឋមន្រ្តីក្រសួងការបរទេសតៃវ៉ាន់លោក Joseph Wu បាននិយាយថា៖ «យើងសុខចិត្តការពារខ្លួនដោយគ្មានសំណួរហើយយើងនឹងប្រយុទ្ធប្រឆាំងប្រសិនបើយើងត្រូវការប្រយុទ្ធ។ ហើយប្រសិនបើយើងត្រូវការការពារខ្លួនដល់ថ្ងៃចុងក្រោយយើងនឹងការពារខ្លួនយើងដល់ថ្ងៃចុងក្រោយ»។ នេះបើតាមការរាយការណ៍របស់សារព័ត៌មាន Reuters។
ទីក្រុងវ៉ាស៊ីនតោនដែលជាអ្នកផ្គត់ផ្គង់អាវុធដ៏សំខាន់របស់តៃវ៉ាន់បាន និងកំពុងជំរុញឱ្យកោះតៃវ៉ាន់ធ្វើទំនើបកម្មយោធារបស់ខ្លួនត្រៀមសម្រាប់ការវាយប្រហារណាមួយពីសំណាក់ភាគីប្រទេសចិន៕