The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋមន្ត្រី​បរទេស​អេហ្ស៊ីប ​និង​​ប្រេសិត​ពិសេស UN ពិភាក្សា​រក​មធ្យោបាយ​ដោះស្រាយ​វិបត្តិ​លីប៊ី​

រដ្ឋមន្ត្រី​បរទេស​អេហ្ស៊ីប ​និង​​ប្រេសិត​ពិសេស UN ពិភាក្សា​រក​មធ្យោបាយ​ដោះស្រាយ​វិបត្តិ​លីប៊ី​

Content image - Phnom Penh Post
ក្រុម​អ្នក​តវ៉ា​លី​ប៊ី​ ប្រមូល​ផ្តុំ​គ្នា​នៅ​​ជិត​​កង់​ឡាន​​កំពុង​ឆេះ​ ក្នុង​ការ​បិទ​ផ្លូវ​​ប្រឆាំង​រដ្ឋាភិបាល។ AFP

រដ្ឋមន្ត្រី​បរទេស​អេហ្ស៊ីប ​និង​​ប្រេសិត​ពិសេស UN ពិភាក្សា​រក​មធ្យោបាយ​ដោះស្រាយ​វិបត្តិ​លីប៊ី​

ក្រុង​គែរ៖​ រដ្ឋមន្ត្រី​ការ​បរទេស​អេហ្ស៊ីប ​លោក​ Sameh ​Shoukry ​កាល​ពី​ថ្ងៃ​អង្គារ ​បាន​ជួប​ជាមួយ​ប្រេសិត​ពិសេស​របស់​អង្គការ​សហប្រជាជាតិ​ប្រចាំ​នៅ​ប្រទេស ​លីប៊ី ​លោក​ Ghassan ​Salame ​ដើម្បី​ពិភាក្សា​រក​មធ្យោបាយ​ដោះស្រាយ​វិបត្តិ​នៅ​ក្នុង​ប្រទេស​នេះ​​។​

នៅ​ក្នុង​សេចក្តី​ថ្លែងការណ៍​មួយ ​រដ្ឋមន្ត្រី​ការ​បរទេស​អេហ្ស៊ីប ​បាន​ថ្លែង​ថា ​នៅ​អំឡុង​កិច្ច​ប្រជុំ​លោក​បាន​អះអាង​ម្តង​ហើយ​ម្តង​ទៀត​ថា​ ប្រទេស​អេហ្ស៊ីប​ បាន​អំពាវនាវ​ឲ្យ​ធ្វើ​ការ​ដោះស្រាយ​នយោបាយ​ទូលំទូលាយ​មួយ​នៅ​ប្រទេស​ លីប៊ី​ នៅ​ក្នុង​មធ្យោបាយ​មួយ​ដែល​រក្សា​សាមគ្គីភាព​ និង​បូរណភាព​នៃ​ប្រទេស ​អាហ្រ្វិក​ភាគ​ខាង​ជើង​។​

អ្នក​ការ​ទូត​កំពូល​របស់​ប្រទេស ​អេហ្ស៊ីប​ បាន​បញ្ចាក់​ថា ​ការ​គាំទ្រ​របស់​អេហ្ស៊ីប​ឲ្យ​ស្តារ​​ស្ថាប័ន​រដ្ឋ​ឡើង​វិញ ​ដើម្បី​គ្រប់គ្រង​ប្រទេស ​លីប៊ី​ ហើយ​ប្រយុទ្ធ​ប្រឆាំង​ក្រុម​អង្គការ​ភេរវកម្ម​​ រហូត​ដល់​ធ្វើ​ឲ្យ​សន្តិសុខ​ប្រទេស​មួយ​នេះ​ ត្រូវ​បាន​ស្តារ​​ឡើង​វិញ​នៅ​ក្នុង​ចក្ខុ​វិស័យ​ទូលំទូលាយ​មួយ​នៅ​ក្នុង​ប្រទេស​នេះ​។​

ភាគី​ទាំង ​២​ បាន​ពិភាក្សា​គ្នា​រក​មធ្យោបាយ​ក្នុង​ការ​ដោះស្រាយ​នយោបាយ​ ដើម្បី​បញ្ចប់​វិបត្តិ​នៅ​ក្នុង​ប្រទេស លីប៊ី ​និង​ការ​រៀបចំ​ដើម្បី​កិច្ច​​​ប្រជុំ​​ក្រុង​ប៊ែរឡាំង​ស្តីពី​ប្រទេស ​លីប៊ី ​នា​ពេល​បច្ចុប្បន្ន​។​

សម្រាប់​ទស្សនកិច្ច​របស់​លោក​ Salame ​បាន​សាទរ​ចំពោះ​កិច្ច​ខិតខំ​ប្រឹងប្រែង​ដែល​បាន​ធ្វើ​ឡើង​ដោយ​ប្រទេស ​អេហ្ស៊ីប​ ដើម្បី​ដោះស្រាយ​វិបត្តិ​លីប៊ី​ និង​ស្តារ​សន្តិសុខ ​និង​ស្ថិរភាព​ឡើង​វិញ​នៅ​ក្នុង​ប្រទេស​ហែកហួរ​ដោយសារ​សង្គ្រាម​​នេះ​។​

លីប៊ី ​​កំពុង​​​​រង​ផល​ប៉ះពាល់​ដោយ​អំពើ​ហិង្សា ​និង​អស្ថិរភាព​នយោបាយ​កាន់​តែ​ខ្លាំង​មិន​ធ្លាប់​មាន​ពី​មុន​​ ចាប់​តាំង​ពី​បាន​ទម្លាក់​លោក​ ​មួ​ម៉ា កា​ដាហ្វី​ ឆ្នាំ ​២០១១ ​មក​​៕ Xinhua/SK

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។