.jpg)
ក្រុមអ្នកតវ៉ាឈរនៅក្បែរស្លាកមួយដែលសរសេរថាម៉ាក្រុងត្រូវចុះចេញពីតំណែង។ AFP
ក្រុងប៉ារីសៈ រដ្ឋមន្ត្រីមហាផ្ទៃលោក Christophe Castaner បានថ្លែងនៅថ្ងៃអាទិត្យនេះថា មនុស្សជាង៤០០នាក់ បានរងរបួស ១៤នាក់ស្ថិតក្នុងស្ថានភាពធ្ងន់ធ្ងរក្នុងការតវ៉ាប្រឆាំងនឹងការដំឡើងពន្ធប្រេងនៅជុំវិញប្រទេសបារាំង ដែលបានបណ្តាលឲ្យមនុស្សម្នាក់ ស្លាប់។
ចំនួនអ្នករងរបួសនោះ បានកើនឡើង បន្ទាប់ពីទីតាំងចំនួន ៨៧កន្លែងនៅទូទាំងប្រទេសនេះ ជាទីដែលក្រុមអ្នកតវ៉ា បានបិទផ្លូវ ដើម្បីបញ្ចេញកំហឹងរបស់ពួកគេចំពោះការដំឡើងពន្ធប្រេង។
អ្នករងរបួសសរុប ៤០៩នាក់ នៅក្នុងនោះមាន សមាជិកប៉ូលិស២៨នាក់ តម្រួតយោធា និងក្រុមពន្លត់អគ្គិភ័យ។
លោក Castaner បានប្រាប់វិទ្យុ RTLថា មនុស្សប្រហែល២៨៨០០០នាក់ បានចូលរួមនៅក្នុងការតវ៉ា នៅទីតាំង ២០៣៤កន្លែង កាលពីថ្ងៃសៅរ៍ នៅទូទាំងប្រទេស ហើយអ្នកតវ៉ាប្រហែល៣៥០០នាក់ ដេកនៅកណ្តាលវាល ពេញមួយយប់៕ PSA
