.jpg)
លោករដ្ឋមន្ត្រីការបរទេសកូរ៉េខាងត្បូង ថ្លែងនៅក្រសួងការបរទេសក្នុងទីក្រុងសេអ៊ូលកាលពីថ្ងៃទី ២៥ មីនា។ AFP
កាលពីថ្ងៃសៅរ៍ ទី ៣ មេសា រដ្ឋមន្រ្តីក្រសួងការបរទេសកូរ៉េខាងត្បូងបាននិយាយថា លោករំពឹងថា ចិននឹងដើរតួនាទីក្នុងការធ្វើឱ្យមានសន្តិភាពរវាងកូរ៉េខាងត្បូង និងកូរ៉េខាងជើង។ រដ្ឋមន្រ្តីក្រសួងការបរទេសកូរ៉េខាងត្បូងបានអញ្ជើញប្រធានាធិបតីចិនធ្វើទស្សនកិច្ចប្រទេសខ្លួន ខណៈដែលសហរដ្ឋអាមេរិកបានព្រមបន្តជំរុញឱ្យទីក្រុងព្យុងយ៉ាងឱ្យរំសាយអាវុធនុយក្លេអ៊ែរ។
រដ្ឋមន្រ្តីក្រសួងការបរទេសកូរ៉េខាងត្បូង លោក Chung Eui-yong បាននិយាយថា៖ «កូរ៉េខាងត្បូងនិងចិនមានគោលដៅរួមមួយឆ្ពោះទៅរកការរំសាយអាវុធនុយក្លេអ៊ែរទាំងស្រុងនៅឧបទ្វីបកូរ៉េ និងឆ្ពោះទៅគោលនយោបាយបង្កើតសន្តិភាពជាអចិន្ត្រៃយ៍»។ សាព័ត៌មានក្នុងស្រុករបស់ប្រទេសកូរ៉េខាងត្បូង បានរាយការណ៍ថា រដ្ឋមន្រ្តីក្រសួងការបរទេសចិនលោក Wang Yi បាននិយាយថាប្រទេសចិន និងកូរ៉េខាងត្បូងបានព្រមព្រៀងគ្នា ដើម្បីជំរុញដំណើរការដើម្បីដោះស្រាយបញ្ហានយោបាយជុំវិញឧបទ្វីបកូរ៉េ។
កាលពីថ្ងៃទី ២ មេសា មន្ត្រីសន្តិសុខជាតិមកពីសហរដ្ឋអាមេរិកជប៉ុន និងចិនបានព្រមព្រៀងគ្នាធ្វើការរួមគ្នា ដើម្បីរក្សាការដាក់សម្ពាធទៅលើកូរ៉េខាងជើងឱ្យបោះបង់ចោលកម្មវិធីមីស៊ីលនុយក្លេអ៊ែរ និងមីស៊ីលផ្លោង ហើយអនុវត្តសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិលើប្រទេសកូរ៉េខាងជើង៕
