The Phnom Penh Post Search

Search form




Logo of Phnom Penh Post newspaper Phnom Penh Post - រដ្ឋអាជ្ញា​តួកគី ​ចេញ​ដីកា​ចាប់​ខ្លួន​ទាហានជាង ២០០ នាក់ ​ពី​បទ​ពាក់ព័ន្ធ​រដ្ឋ​ប្រហារ

រដ្ឋអាជ្ញា​តួកគី ​ចេញ​ដីកា​ចាប់​ខ្លួន​ទាហានជាង ២០០ នាក់ ​ពី​បទ​ពាក់ព័ន្ធ​រដ្ឋ​ប្រហារ

Content image - Phnom Penh Post
លោក ​អេរដូហ្គែន ថ្លែង​នៅ​ក្នុង​អំឡុង​ជំនួប​នៃ​បក្ស​យុត្តិធម៌ និង​អភិវឌ្ឍន៍​​។ AFP

រដ្ឋអាជ្ញា​តួកគី ​ចេញ​ដីកា​ចាប់​ខ្លួន​ទាហានជាង ២០០ នាក់ ​ពី​បទ​ពាក់ព័ន្ធ​រដ្ឋ​ប្រហារ

ក្រុង​អង់ការ៉ាៈ ​ក្រុម​មន្ត្រី ​និង​ប្រព័ន្ធ​ផ្សព្វផ្សាយ​រដ្ឋ​បាន​រាយការណ៍​ឲ្យ​ដឹង​ថា​ ប៉ូលិស​តួកគី​បាន​ចាប់​ផ្តើម​វាយ​ឆ្មក់​នៅ​ទូទាំង​​ប្រទេស​កាល​ពី​ថ្ងៃ​អង្គារ​ ដោយ​មាន​បំណង​ចាប់​​ខ្លួន​បុគ្គលិក​យោធា​ជាង ​២០០ ​នាក់​ ដែល​ត្រូវ​បាន​សង្ស័យ​ថា​មាន​​ជាប់​ពាក់ព័ន្ធ​​ជាមួយ​នឹង​ការ​ប៉ុនប៉ង​ធ្វើ​រដ្ឋ​ប្រហារ​កាល​ពី​ឆ្នាំ ​២០១៦​ នៅ​ក្នុង​ការ​បន្ត​បង្ក្រាប ​១ ដែល​ត្រូវ​បាន​គេ​មើល​ឃើញ​ថា​ មាន​មនុស្ស​រាប់​ពាន់​នាក់ ​បាន​ជាប់​ពន្ធនាគារ​។​

រដ្ឋអាជ្ញា​សាធារណៈ​នៃ​ក្រុង​អ៊ីស្តង់ប៊ុល​ បាន​ថ្លែង​ថា ​ខ្លួន​បាន​ចេញ​ដីកា​ឲ្យ​ចាប់​ខ្លួន​បុគ្គលិក​យោធា​មាន​តួនាទី​យ៉ាង​សកម្ម​ចំនួន ​១៧៦ ​នាក់​ នៅ​ក្នុង​នោះ​ មាន​វរសេនីយ៍ឯក​ម្នាក់ វរសេនីយ៍ត្រី ​៥ ​នាក់ ​និង​ក្រុម​អនុសេនីយ៍ទោ ​១០០ នាក់​ ចេញ​ពី​កងកម្លាំង​ប្រដាប់​អាវុធ​ខុសៗ​គ្នា​ ជុំវិញ​​ការ​ចោទ​ប្រកាន់​ថា​ មាន​ទំនាក់ទំនង​ជាមួយ​នឹង​ចលនា​របស់​លោក​ Fethullah ​Gulen ​បុព្វជិត​សាសនា​មូស្លីម​នោះ​។​

រដ្ឋាភិបាល​តួកគី​ ​ថ្លែង​ថា​ លោក​ Gulen ដែល​​គាំទ្រ​ដោយ​អាមេរិក​នោះ​ បាន​ចេញ​បញ្ជា​ឲ្យ​ធ្វើ​រដ្ឋ​ប្រហារ​ទម្លាក់​លោក​ប្រធានាធិបតី ​រ៉េស៊ិប ​តៃយីប អេរដូហ្គែន មិន​បាន​សម្រេច​ ប៉ុន្តែ​លោក​បាន​ធ្វើ​ការ​បដិសេធ​​ការ​ចោទ​ប្រកាន់​នោះ​យ៉ាង​ដាច់​អហង្ការ​។​

ទីភ្នាក់ងារ​សារព័ត៌មាន​រដ្ឋ ​Anadolu ​បាន​និយាយ​ថា​ រដ្ឋអាជ្ញា​សាធារណៈ​ក្រុង​អ៊ីស្មៀ​នៃ​តំបន់​ Aegean​ បាន​ចេញ​ដី​កា​ឲ្យ​ចាប់​ខ្លួន​​ជន​សង្ស័យ ​៣៥ ​នាក់​ ​ទាហាន​ ២០ ​នាក់ ​ស៊ីវិល ១០ នាក់៕ AFP/SK

អត្ថបទគួរចាប់អារម្មណ៍

  • ឃ្មុំមាស លើក​ពាន​បាល់​បោះ​ជិះ​រទេះ​ជន​ពិការ

    ភ្នំពេញ៖ ​ក្រុម​កីឡាករ កីឡាការិនី​ឃ្មុំ​មាស​កំពង់ធំ ​បាន​រក​ឃើញ​នូវ​ជ័យ​ជម្នះ​ដ៏​គួរ​ឲ្យ​កត់​សម្គាល់​មួយ ដើម្បី​​ក្លាយ​ជា​ម្ចាស់​ជើងឯក​ ការ​​ប្រកួត​ជើងឯក​បាល់​បោះ​ជិះ​រទេះ​ជន​ពិការ លើក​ទី ​១ ឆ្នាំ ​២០១៩ ខណៈ​កម្រិត​បច្ចេកទេស​ពិសេស​ក្រុម​នារី ដែល​បាន​ចូលរួម​​ប្រជែង ក្នុង​ព្រឹត្តិការណ៍​នេះ

  • សេដ្ឋកិច្ច​សកល​បាត់​ជិត​ $៨ ​ពាន់​ពាន់​លាន​ ដោយសារ​អាកាសធាតុ

    ក្រុងប៉ារីសៈ ការវិភាគ​ថ្មី​បាន​បង្ហាញ​កាលពី​ថ្ងៃ​ពុធ​សប្តាហ៍​នេះ​ថា ការប្រែប្រួល​អាកាសធាតុ​អាច​ធ្វើឲ្យ​ខាតបង់​ដោយ​ផ្ទាល់​ដល់​សេដ្ឋកិច្ច​ពិភពលោក​ចំនួន ៧,៩ ពាន់​ពាន់​លាន​ដុល្លារ​ នៅត្រឹម​ពាក់កណ្ដាល​សតវត្សរ៍​នេះ ដោយសារ​កំណើន​ភាពរាំងស្ងួត ទឹកជំនន់ និង​បរាជ័យ​ដាំ​ដំណាំ រារាំង​កំណើន និង​គំរាមកំហែង​ដល់​ហេដ្ឋារចនាសម្ព័ន្ធ​។

  • តុលាការ​បារាំង​កាត់​ក្ដី​​ឲ្យ​ហ្វូង​ទា​នៅ​ទី​​​ជនបទ ​​​អាច​បន្ដ​ស្រែក​រំខាន​អ្នក​ជិត​ខាង

    ក្រុង​ប៉ារីស៖ តុលាការ​បារាំង​បាន​សម្រេច​ឲ្យ​ហ្វូង​ទា​នៅ​និរតី​ប្រទេស​អាច​បន្ដ​ស្រែក​កាបៗ​ ​ក្រោយ​​មាន​ការ​ប្ដឹង​ផ្ដល់​ពី​អ្នក​ជិត​ខាង​ចំពោះ​សម្រែក​សំឡេង​របស់​ពួក​វា​ ដោយ​​​យ៉ាង​ហោច​ណាស់​​ត្រូវ​​រង់ចាំ​ការ​ស៊ើប​អង្កេត​ពី​ការ​ធ្វើ​តេស្ដ​កម្រិត​សំឡេង​រំខាន​សិន​​។

  • អ៊ីស្រាអែល​វាយ​ប្រហារ​ផ្លូវ​អាកាស បង្ក​ឲ្យ​​មនុស្ស​ ​២៣ ​នាក់​ស្លាប់​នៅ​ស៊ីរី

    ក្រុង​ហ៊្សេរុយសាឡិម៖ ​ប្រទេស ​អ៊ីស្រាអែល​ បាន​ថ្លែង​ថា​ យន្តហោះ​ចម្បាំង​ជា​ច្រើន​គ្រឿង​របស់​ខ្លួន​ បាន​បើក​ការ​វាយ​ប្រហារ​ប្រឆាំង​ទៅ​លើ​គោលដៅ​របស់​កងកម្លាំង​អ៊ីរ៉ង់ ​និង​យោធា​ស៊ីរី​នៅ​ប្រទេស ​ស៊ីរី ​កាល​ពី​ថ្ងៃ​ពុធ​ នៅ​ក្នុង​ការ​វាយ​ប្រហារ​ដែល​ក្រុម​ឃ្លាំ​មើល​សិទ្ធិ​មនុស្ស​បាន​រាយការណ៍​ថា​ មនុស្ស​យ៉ាង​តិច ​២៣ ​នាក់​បាន​ស្លាប់​​។​