The Phnom Penh Post Search

Search form

Logo of Phnom Penh Post newspaper Phnom Penh Post - រដ្ឋអាជ្ញា​អេហ្ស៊ីប​បញ្ជា​ឲ្យ​ចាប់​ស្មេរ​រិះ​គន់​ដ៏​ល្បី




រដ្ឋអាជ្ញា​អេហ្ស៊ីប​បញ្ជា​ឲ្យ​ចាប់​ស្មេរ​រិះ​គន់​ដ៏​ល្បី

រដ្ឋអាជ្ញា​អេហ្ស៊ីប​បញ្ជា​ឲ្យ​ចាប់​ស្មេរ​រិះ​គន់​ដ៏​ល្បី

ក្រុង គែរៈ រដ្ឋអាជ្ញា​សាធារណៈ​របស់​ប្រទេស​អេហ្ស៊ីប​កាល​ពី​ថ្ងៃ​សៅរ៍​បាន​បញ្ជា​ឲ្យ​ចាប់​ខ្លួន​ស្មេរ​រិះ​គន់​ចំអក​មាន​ប្រជាប្រិយ លោក បាសសេម យូសេហ្វ ពី​បទ​ប្រមាថ​អ្នក​កាន់​សាសនា​អ៊ិស្លាម និង​ប្រមាថ ប្រធានា​ធិបតី លោក​ម៉ូហា ម៉េត មួរស៊ី ក្នុង​ការ​បង្រ្កាប​ថ្មី​បំផុត​លើ​ប្រព័ន្ធ​ព័ត៌មាន​រិះ​គន់​។

ប្រភព​តុលាការ​បាន​ប្រាប់ AFP ថា ពាក្យ​បណ្តឹង​ជា​ច្រើន​ត្រូវ​បាន​ប្តឹង​ប្រឆាំង​នឹង​លោក យូសេហ្វ ដែល​ការ​ចំអក​ដ៏​មុត​ស្រួច​របស់​លោក​ដែល​បាន​ផ្សាយ​នៅ​ក្នុង​កម្មវិធី​ទូរទស្សន៍​ប្រចាំ​សប្តាហ៍ Albernameg បាន​ធ្វើ​ឲ្យ​ប៉ះពាល់​ដល់​ឥស្សរជន​សាធារណៈ​មួយ​ចំនួន​។

ប្រភព​ទាំង​នោះ​បាន​និយាយ​ថា លោក​ត្រូវ​បាន​ចោទ​ប្រកាន់​ពី​បទ​ប្រមាថ​សាសនា​អ៊ិស្លាម​តាម​រយៈ​«ការ​កំប្លែង​លេង​សើច​លើ​ពិធី​សូត្រ ធម៌»និង​ការ​ប្រមាថ​លោក មួរស៊ី ជាមួយ​«ការ​លេង​សើច​លើ​គោល ជំហរ​អន្តរជាតិ​របស់​លោក»។

ប្រភព​មួយ​បាន​និយាយ​ថា ក្នុង​ពាក្យ​បណ្តឹង​មួយ​ដែល​គេ​ប្តឹង​លោក ដើម​ចោទ​បាន​ស្នើ​ទៅ​តុលាការ​ថា​វិធានការ​ផ្លូវ​ច្បាប់​នឹង​ត្រូវ​ចាត់​ប្រឆាំង​លោក យូសេហ្វ ធ្វើ​ដូច្នោះ​នឹង​មិន​លើក​ទឹក​ចិត្ត​អ្នក​ផ្សេង​ទៀត​ឲ្យ​យក​គំរូ​តាម​។

នៅ​ក្នុង​ឥរិយាបថ​ធម្មតា​លោក យូសេហ្វ បាន​បញ្ជាក់​ថា​ដីកា​មួយ​ត្រូវ​បាន​ចេញ​ប្រឆាំង​នឹង​លោក​។

នៅ​ក្នុង​គេហទំព័រ​ធ្វីតធើរ​របស់​លោក យូសេហ្វ បាន​សរសេរ​ថា៖« ដីកា​ប្រឆាំង​ខ្ញុំ​គឺជា​ការ​ពិត​។ ខ្ញុំ​នឹង​ទៅ​កាន់​ការិយាល័យ​រដ្ឋអាជ្ញា​សាធារណៈ​នៅ​ថ្ងៃ​ស្អែក ប្រសិន​បើ​ពួក​គេ​ពុំ​បញ្ជូន​រថយន្ត​ប៉ូលិស​មក​ថ្ងៃ​នេះ និង​មិន​ជួយ​ខ្ញុំ​សន្សំ​ការ​ចំណាយ​លើ​ការ​ធ្វើ​ដំណើរ​ទេ»។

ដោយ​ចាត់​ទុក​ជា​ចម្លើយ​របស់​អេហ្ស៊ីប​ទៅ​នឹង​លោក ចន ស្ទូវើដ​តាម​ទូរទស្សន៍​អាមេរិក គ្រូ​ពេទ្យ​វះ​កាត់​បេះដូង​ក្លាយ​ជា​អ្នក​កំប្លែង​រូប នេះ បាន​លេង​សើច​ចាក់​រុក​ច្រំដែលៗ​ចំពោះ​ក្រុម​អ៊ិស្លាម​និយម និង​លោក មួរស៊ី​៕ CC

អត្ថបទគួរចាប់អារម្មណ៍