ក្រុងយីឡានៈ លោកស្រីប្រធានាធីបតីតៃវ៉ាន់ សៃ អ៊ីងវិន បានជំរុញឲ្យធ្វើការស៊ើបអង្កេតជាបន្ទាន់ កាលពីថ្ងៃចន្ទ ក្រោយពីរថភ្លើងល្បឿនលឿនមួយគ្រឿងបានរអិលធ្លាក់ចេញពីផ្លូវក្រឡាប់នៅលើផ្លូវទេសចរណ៍ទៅកាន់ឆ្នេរសមុទ្រ ដោយបានបណ្តាលឲ្យ១៨នាក់ស្លាប់ ជាឧបត្តិហេតុផ្លូវដែកអាក្រក់បំផុតនៅលើកោះនេះ សម្រាប់រយៈពេល ២៧ឆ្នាំ។
គ្រោះថ្នាក់រថភ្លើង រអិលធ្លាក់ចេញពីផ្លូវនៅឆ្នេរសមុទ្រភាគខាងកើតដ៏ពេញនិយមកាលពីថ្ងៃអាទិត្យ បានបណ្តាលបណ្តាលឲ្យអ្នកដំណើរ១៨៧នាក់ រងរបួស។
បើយោងតាមក្រសួងដឹកជញ្ជូនតៃវ៉ាន់បានឲ្យដឹងថា នៅក្នុងចំណោមអ្នកដែលស្លាប់មានក្មេងម្នាក់ អាយុ ៩ ឆ្នាំ។
សិស្សសាលាពីរនាក់ មានអាយុចាប់ពី ១២ ឆ្នាំ ដល់ ១៣ ឆ្នាំ មកពីសាលាវិទ្យាល័យនៅក្នុងក្រុង Taitung ជាទីដែលរថភ្លើងនោះឆ្ពោះទៅ ក៏បានស្លាប់ដែរ។
ក្រុមមន្ត្រី បាននិយាយនៅថ្ងៃចន្ទនេះថា អ្នកដំណើរមួយចំនួនទៀតមិនទាន់រាប់បញ្ជូលទេ និងថា កិច្ចប្រឹងប្រែងរុករកកំពុងបន្តនៅកន្លែងគ្រោះថ្នាក់នៅតំបន់យីឡានភាគឦសាន៕ SK