.jpg)
រថយន្តក្រុងដែលត្រូវបានរថភ្លើងបុក បណ្តាលឲ្យមនុស្សយ៉ាងតិច ១៨ នាក់ស្លាប់ និងជាង ៤០ នាក់ផ្សេងទៀតបានរងរបួស។ រូបថត AFP
ក្រុងចាចូអេងសៅៈ មន្ត្រីបាននិយាយថាមនុស្សយ៉ាងតិច ១៨ នាក់បានស្លាប់ និងជាង ៤០ នាក់ផ្សេងទៀតបានរងរបួស នៅក្នុងប្រទេសថៃ នៅថ្ងៃអាទិត្យនេះនៅរថភ្លើងដឹកទំនិញមួយគ្រឿងបានបុករថយន្តក្រុងមួយគ្រឿងដែលដឹកអ្នកដំណើរទៅចូលរួមពិធីបុណ្យសាសនាមួយ។
ការបុកគ្នាកាលពីព្រឹកថ្ងៃអាទិត្យនេះមានចម្ងាយប្រហែល ៥០ គីឡូម៉ែត្រ នៅភាគខាងកើតក្រុងបាងកកបានបណ្តាលឲ្យរថយន្តក្រឡាប់ និងបង្កឲ្យខូចដំបូលរថយន្តមួយផ្នែក។
ប្រធានមន្ទីរពេទ្យលោកស្រី Sombat Chutimanukul បានថ្លែងថាអ្នកដំណើររាប់សិបនាក់ ដែលរងរបួសត្រូវបានបញ្ជូនទៅព្យាបាលនៅមន្ទីរពេទ្យ។
លោកស្រីបានថ្លែងប្រាប់ក្រុមអ្នកកាសែតថា៖ «មនុស្ស ៤ នាក់ ស្ថិតក្នុងស្ថានភាពធ្ងន់ធ្ងរ និង ៨ នាក់ផ្សេងទៀត ក្នុងចំណោម ២៣ នាក់ ដែលត្រូវបានបញ្ជូនមកមន្ទីរពេទ្យលោកស្រី កំពុងត្រូវបានគេតាមដានយ៉ាងយកចិត្តទុកដាក់»៕ PSA
