ក្រុងសៅប៉ូឡូ៖ អង្គភាពពន្លត់អគ្គិភ័យប្រចាំតំបន់បានរាយការណ៍ថា រថយន្តក្រុង ១ គ្រឿងកម្ពស់ ២ ជាន់ ដែលបានដឹកក្រុមកម្មកររោងចក្រវាយនភណ្ឌបានបុកគ្នាជាមួយរថយន្តដឹកទំនិញ ១ គ្រឿង នៅក្នុងរដ្ឋសៅប៉ូឡូ ប្រទេសប្រេស៊ីលភាគអាគ្នេយ៍ កាលពីថ្ងៃពុធ ដោយបានបណ្តាលឱ្យមនុស្ស ៤០ នាក់ស្លាប់ នៅក្នុងឧប្បត្តិហេតុបុកគ្នានោះ។
ឧប្បត្តិហតុបុកតាមផ្លូវនោះ គឺជាឧប្បត្តិហេតុ ១ ក្នុងចំណោមឧប្បត្តិហេតុបុកគ្នាបណ្តាលឱ្យមនុស្សស្លាប់យ៉ាងច្រើនបំផុតនៅឆ្នាំនេះ នៅក្នុងប្រទេសប្រេស៊ីល ដែលបានកើតឡើងរយៈពេលខ្លីនៅមុនម៉ោង ៧ ព្រឹក នៅតាមមហាវិថីហាយវេ SP 249 ក៏ត្រូវបានគេស្គាល់គ្រប់គ្នាថា ជាផ្លូវ Alfredo de Oliveira CarvalhoHwy នៅក្នុងទីក្រុងតាហ្គៃ ចម្ងាយ ៣៤៧ គីឡូម៉ែត្រ ពីភាគខាងលិចនៃរដ្ឋធានីសៅប៉ូឡូ។
យោងតាមអង្គភាពពន្លត់អគ្គិភ័យសៅប៉ូឡូបានឱ្យដឹងថា មនុស្សចំនួន ៣៧ នាក់ នៅកន្លែងកើតហេតុ និង ៣ នាក់ផ្សេងទៀតបានស្លាប់ នៅក្នុងមន្ទីរពេទ្យបន្ទប់សង្គ្រោះបន្ទាន់ ដែលពួកគេត្រូវបានគេបញ្ជូនទៅព្យាបាលនៅទីនោះ និង ១១ នាក់ផ្សេងទៀត បានស្នាក់ព្យាបាលរបួសនៅក្នុងមន្ទីរពេទ្យនោះដែរ៕ Xinhua/SK