និយតករទូរគមនាគមន៍រុស្ស៊ីបានប្រកាសកាលពីពុធ ទី ១០ មីនា ថាពួកគេកំពុងរឹតបន្តឹងការប្រើប្រាស់បណ្ដាញសង្គម Twitter ដោយកាត់បន្ថយល្បឿនអ៊ីនធឺណិត ដោយចោទប្រកាន់វេទិកាសង្គមថា ខកខានម្ដងហើយម្ដងទៀតក្នុងការដកសារហាមឃាត់ចេញពីគេហទំព័ររបស់ពួកគេ។
និយតករ Roskomnadzor បានគំរាមបិទសេវាកម្មនេះទាំងស្រុង ហើយបាននិយាយថា មានសារច្រើនជាង ៣ ០០០ ដែលផ្ទុកនូវមាតិកាខុសច្បាប់។
Twitter ក៏ដូចជាបណ្ដាញសង្គមអាមេរិកផ្សេងទៀត ត្រូវបានប្រើប្រាស់យ៉ាងទូលំទូលាយដោយក្រុមអ្នកគាំទ្រមេដឹកនាំចលនាប្រឆាំង Alexei Navalny ដែលការចាប់ខ្លួនរបស់លោកកាលពីដើមឆ្នាំនេះ បានបង្កឱ្យមានបាតុកម្មនៅក្នុងទីក្រុងធំៗមួយចំនួនរបស់រុស្ស៊ី៕