ក្រុងម៉ូស្គូៈ កាលពីថ្ងៃពុធ រុស្ស៊ី បានសម្តែងការភ្ញាក់ផ្អើលចំពោះការសម្រេចចិត្តរបស់អាមេរិកដែលដកខ្លួនចេញពីក្រុមប្រឹក្សាសិទ្ធិមនុស្សអង្គការសហប្រជាជាតិ ដោយបានចោទប្រកាន់ក្រុងវ៉ាស៊ីនតោនជុំវិញការចំអកឡកឡឺយ និងការមើលស្រាលអង្គការពិភពលោកមួយនេះ។
អ្នកនាំពាក្យក្រសួងការបរទេសរុស្ស៊ី លោក ស្រី Maria Zakharova បានថ្លែងប្រាប់សន្និសីទកាសែតមួយនៅក្រុងម៉ូស្គូថា៖«ជាថ្មីម្តងទៀ អាមេរិក បានធ្វើឲ្យប៉ះពាល់ដល់កិត្តិនាមរបស់អង្គការសិទ្ធិមនុស្សរបស់ខ្លួនយ៉ាងធ្ងន់ធ្ងរ ដោយបានបង្ហាញ ការមិនគោរពចំពោះអង្គការសហប្រជាជាតិ និងស្ថាប័ននានារបស់ខ្លួន។
លោកស្រី បានចោទប្រកាន់អាមេរិកចំពោះការបដិសេដមិនទទួលស្គាល់ ការកើតឡើងនៃបញ្ហាសិទ្ធិមនុស្សធ្ងន់ធ្ងរនៅក្នុងប្រទេស ខណៈនៅពេលជាមួយគ្នានេះកំពុងព្យាយាមប្រើប្រាស់ឥទ្ធិពលគ្របដណ្តប់ក្រុមប្រឹក្សានេះ ដើម្បីផលប្រយោជន៍ផ្ទាល់របស់ខ្លួននោះ។
លោកស្រី ក៏បានរិះគន់អាមេរិកចំពោះដាក់ការគាបសង្កត់លើប្រទេសដទៃជុំវិញបញ្ហាសិទ្ធិមនុស្ស៕ PSA