.jpg)
ទិដ្ឋភាពនៃប៉ុស្តិ៍ពិនិត្យសន្តិសុខដែលគ្រប់គ្រងដោយកងកម្លាំងស្មោះត្រង់ និងរដ្ឋាភិបាលយេម៉ែនទទួលស្គាល់ដោយអន្តរជាតិ។ រូបថត AFP
ក្រុងរីយ៉ាដៈ ក្រុមហ៊ុនថាមពលអារ៉ាប៊ី សាអ៊ូឌីត Aramco របស់រដ្ឋបានឲ្យដឹងថាការវាយប្រហារមួយដែលបានអះអាងដោយក្រុមឧទ្ទាមយេម៉ែនបានបង្កឲ្យមានភ្លើងឆាបឆេះរោងចក្រផលិតឧស្ម័នមួយកន្លែងកាលពីថ្ងៃសៅរ៍ ប៉ុន្តែមិនបានបណ្តាលឲ្យមនុស្សស្លាប់ ឬរងរបួសនោះទេ ឬក៏រំខានទៅដល់ចង្វាក់ផលិតកម្មឧស្ម័ននោះឡើយ។
ក្រុមហ៊ុនថាមពលខ្នាតយក្សនោះបានឲ្យដឹងទៀតថា៖ «ក្រុមឆ្លើយតបរបស់ក្រុមហ៊ុន Aramco អារ៉ាប៊ី សាអ៊ូឌីត បានគ្រប់គ្រងស្ថានការណ៍ភ្លើងឆេះនោះឲ្យវិលមកសភាពដើមវិញទាំងស្រុងកាលពីព្រឹកថ្ងៃសៅរ៍នៅឯកន្លែងផលិតវត្ថុរាវឧស្ម័នធម្មជាតិ Shaybah » «ហើយមិនមានអ្នករងរបួស និងការកាត់ផ្តាច់ប្រតិបត្តិការផលិតប្រេងរបស់ក្រុមហ៊ុន Aramco អារ៉ាប៊ី សាអ៊ូឌីត នោះទេ»។
ក្រុមឧទ្ទាមហ៊ូធី បានបើកការវាយប្រហារមីស៊ីល និងយន្តហ្រោះដូនយ៉ាងខ្លាំងក្លានៅតាមព្រំដែនដែលបានយកមូលដ្ឋានទ័ពអាកាសរបស់អារ៉ាប៊ី សាអ៊ូឌីត និងកន្លែងផ្សេងមួយចំនួនទៀតជាគោលដៅក្នុងរយៈពេលប៉ុន្មានខែថ្មីៗនេះទៅនឹងអ្វីដែលក្រុមហ៊ូធីបានហៅថាជាការសងសឹកទៅនឹងសង្គ្រាមដឹកនាំដោយប្រទេសអារ៉ាប៊ី សាអ៊ូឌីត នៅយេម៉ែន៕ SK
