ក្រុងបាកដាដៈ កងកម្លាំងសន្តិសុខអ៊ីរ៉ាក់ បានថ្លែងកាលពីថ្ងៃអាទិត្យថា ការវាយប្រហាររ៉ុក្កែត ២ គ្រាប់ បានកំណត់គោលដៅទៅលើអ្នកការទូតអាមេរិក និងទីតាំងយោធាជាច្រើនកន្លែងនៅពេលយប់ ហើយមានផលប៉ះពាល់តិចតួចជាងមួយសប្តាហ៍មកនេះ ចាប់តាំងពីបានចាប់ខ្លួន អ្នករៀបចំផែនការវាយប្រហារមិនធ្លាប់មានពីមុន ដើម្បីទប់ស្កាត់ការវាយប្រហារស្រដៀងគ្នានោះ។
ចាប់តាំងពីខែតុលា ក្រុមអ្នកការទូត និងកងកម្លាំងអាមេរិក នៅទូទាំងប្រទេសអ៊ីរ៉ាក់ ត្រូវបានកំណត់គោលដៅដោយការវាយប្រហារមីស៊ីលប្រហែល ៣៦គ្រាប់ ដែលក្រុងវ៉ាស៊ីនតោន បានស្តីបន្ទោសទៅលើក្រុមប្រឆាំងប្រដាប់អាវុធគាំទ្រអ៊ីរ៉ង់។
នៅក្នុងវិធានការដំបូងរបស់ខ្លួន ក្រុមកងកម្លាំងសម្រាំងអ៊ីរ៉ាក់ កាលពីចុងខែមិថុនា បានចាប់ខ្លួនក្រុមយុទ្ធជនបានគាំទ្រដោយអ៊ីរ៉ង់ជាង ១២ នាក់ ដែលបានរងការចោទប្រកាន់ពីបទរៀបចំផែនការវាយប្រហារថ្មីមួយ ទៅលើតំបន់បៃតងនៅក្រុងបាកដាដ ដែលជាកន្លែងរបស់អាមេរិក និងស្ថានទូតបរទេសមួយចំនួនផ្សេងទៀតនៅទីនោះ។
មន្ត្រីរដ្ឋាភិបាលអ៊ីរ៉ាក់បានថ្លែងថា ការឆ្មក់វាយប្រហារនោះនឹងធ្វើឡើង ខណៈមាន «សារ» មួយ នឹងធ្វើការវាយប្រហារនៅពេលខាងមុខ ប៉ុន្តែកាលពីព្រឹកថ្ងៃអាទិត្យ ក្រុមសកម្មប្រយុទ្ធបានប៉ុនប៉ង់ធ្វើការវាយប្រហារមួយផ្សេងទៀត៕ SK