.jpg)
លោកស្រី អ៊ុងសាន ស៊ូជី សម្លឹងមើលខណៈលោកស្រីចូលរួមជំនួបអាស៊ាន-UN។ រូបAFP
ក្រុងឡាអេ៖ ម្ចាស់ពានរង្វាន់នូប៊ែលសន្តិភាពលោកស្រី អ៊ុងសាន ស៊ូជី កាលពីថ្ងៃអង្គារបានចេញដំណើរទៅតុលាការក្រុងឡាអេ ដើម្បីការពារមីយ៉ាន់ម៉ាប្រឆាំងការចោទប្រកាន់ពីបទអំពើប្រល័យពូជសាសន៍ នៅក្នុងការបាត់បង់កេរ្តិ៍ឈ្មោះគួរកត់សម្គាល់សម្រាប់ស្ត្រីម្នាក់ដែលគេធ្លាប់ទទួលស្គាល់ជានិមិត្តរូបសិទ្ធិមនុស្សរបស់ប្រទេសនេះ។
មេដឹកនាំស៊ីវិលប្រទេស មីយ៉ាន់ម៉ា បានបង្ហាញខ្លួននៅតុលាការយុត្តិធម៌អន្តរជាតិ ខណៈជម្លោះរបស់រដ្ឋកាន់ព្រះពុទ្ធសាសនា បានអះអាងថា ខ្លួនបានព្យាយាមកម្ទេចក្រុមជនមូស្លីមរ៉ូហ៊ីងយ៉ាភាគតិច នៅក្នុងការបង្ក្រាបដោយយោធាកាលពីឆ្នាំ ២០១៧។
ប្រទេស ហ្គំប៊ី អាហ្វ្រិកខាងលិច បានព្យាយាមជាលើកដំបូង ដើម្បីនាំប្រទេស មីយ៉ាន់ម៉ា ឡើងតុលាការយុត្តិធម៌អន្តរជាតិជុំវិញការកាប់សម្លាប់យ៉ាងសាហាវ ដោយបានចោទប្រកាន់ប្រទេសអាស៊ីអាគ្នេយ៍មួយនេះ ពីបទរំលោភសន្ធិសញ្ញាស្តីពីកិច្ចព្រមព្រៀងអំពើប្រល័យពូជសាសន៍ឆ្នាំ ១៩៤៨។
ប្រជាជនចូលរួមការជួបជុំដើម្បីគាំទ្រលោកស្រីស៊ូជី មុនបង្ហាញមុខនៅតុលាការក្រុងឡាអេ។ AFP
ការតវ៉ារបស់ក្រុមប្រឆាំងនឹងក្រុមអ្នកគាំទ្រត្រូវបានគេរំពឹងថា នឹងកើតឡើងនៅខាងក្រៅតុលាការកំពូលរបស់អង្គការសហប្រជាជាតិសម្រាប់ការមកដល់របស់លោកស្រី អ៊ុងសាន ស៊ូជី ដែលជាស្ត្រីម្នាក់ត្រូវបានគេនិយាយលើកឡើងស្រដៀងគ្នាដូចទៅនឹង លោក នីលសុន ម៉ាន់ឌឺឡា និងលោកមហាត្មះ គន្ធី។
កេរ្តិ៍ឈ្មោះជាអន្តរជាតិរបស់លោកស្រី អ៊ុងសាន ស៊ូជី មានវ័យ ៧៤ ឆ្នាំរូបនោះ ត្រូវបានអាប់ឱនដោយសារលោកស្រីស្ងៀមស្ងាត់ ជុំវិញស្ថានភាពរបស់ជនរ៉ូហ៊ីងយ៉ា ហើយលោកស្រីបានការពារក្រុមឧត្តមសេនីយ៍។
ករណីនោះនឹងត្រូវបានគេឃ្លាំមើលយ៉ាងយកចិត្តទុកដាក់នៅក្នុងប្រទេស បង់ក្លាដែស ជាទីដែលជនរ៉ូហ៊ីងយ៉ាប្រហែល ៧៤ ម៉ឺននាក់ ត្រូវបានបង្ខំចិត្តរត់ភៀសខ្លួនទៅកាន់ជំរំជាច្រើន ដោយសារតែយុទ្ធនាការបង្ក្រាបនៅក្នុងរដ្ឋរ៉ាក់ឃីន នៃប្រទេស មីយ៉ាន់ម៉ា ភាគពាយព្យ។
អ្នកស្រី នូរ ការីម៉ា ជាជនភៀសខ្លួនរ៉ូហ៊ីងយ៉ា ដែលបងប្រុស និងតាយាយរបស់នាង បានស្លាប់នៅក្នុងការសម្លាប់រង្គាលនៅក្នុងភូមិតូឡាំ កាលពីខែសីហា ឆ្នាំ ២០១៧ បាននិយាយថា៖ «ខ្ញុំសូមទាមទារឲ្យពិភពលោកផ្តល់យុត្តិធម៌ជូនពួកគេ»៕ AFP/SK
