.jpg)
ពលរដ្ឋអាមេរិកចូលរួមការហែក្បួនប្រចាំឆ្នាំរបស់ស្ត្រីនៅក្រុងឡូសអេនជឺលេសនៃរដ្ឋកាលីហ្វ័រនីញ៉ា កាលពីថ្ងៃទី ១៩ ខែមករា ឆ្នាំ ២០១៩។ AFP
ក្រុងវ៉ាស៊ីនតោនៈ សមាជិកព្រឹទ្ធសភាបក្សប្រជាធិបតេយ្យអាមេរិក លោកស្រី Kirsten Gillibrand ជាអ្នករិះគន់លោក ដូណាល់ ត្រាំ ឥតសំចៃមាត់និងអ្នកគាំទ្របញ្ហានានារបស់ស្ត្រីនៅក្នុងនោះ មានចលនា «MeToo» បានប្រកាសថា លោកស្រី នឹងឈរឈ្មោះធ្វើជាប្រធានាធិបតី។
រយៈពេលជិត ២២ ខែ មុនការបោះឆ្នោតឆ្នាំ ២០២០ នោះ ការប្រកួតប្រជែងតំណែងសេតវិមាន កំពុងកើតឡើងយ៉ាងច្បាស់ ខណៈពលរដ្ឋអាមេរិកចាប់ផ្តើមធ្វើការវាយតម្លៃថា តើនរណាអាចជាបេក្ខជនបក្សប្រឆាំង ដែលត្រូវប្រជែងជាមួយនឹងលោក ដូណាល់ ត្រាំ នោះ។
សមាជិកព្រឹទ្ធសភាបក្សប្រជាធិបតេយ្យ ៤ រូប ៣ រូបនៅក្នុងចំណោមពួកគេជាស្ត្រី បានបោះជំហានឈានទៅធ្វើយុទ្ធនាការផ្លូវការមួយនៅក្នុងប៉ុន្មានសប្តាហ៍ថ្មីៗនេះ ហើយក៏មានសមាជិកជាច្រើនទៀតនៅក្នុងនោះ មានអ្នករួមការងារនៅព្រឹទ្ធសភាជាច្រើននាក់ទៀតអ្នកជំនួញប្រឆាំងនឹងលោក ត្រាំនិងអតីតអនុប្រធានាធិបតីលោក ជូ បៃដិន កំពុងត្រៀមខ្លួនប្រជែងតំណែងប្រធានាធិបតីជាមួយ ត្រាំ ដែរ។
សមាជិកព្រឹទ្ធសភារូបនេះបានប្រាប់លោក Stephen Colbert នៅកម្មវិធី Talk Show នៅទូរទស្សន៍ CBS របស់លោកថា៖ «ខ្ញុំនឹងឈរឈ្មោះ ជាប្រធានាធិបតីអាមេរិក ដោយសារជាម្តាយវ័យក្មេងម្នាក់ ខ្ញុំនឹងតស៊ូ ដើម្បីកូនៗរបស់ប្រជាជនដទៃទៀតយ៉ាងស្វិតស្វាញដូចដែលខ្ញុំបានតស៊ូ ដើម្បីខ្លួនខ្ញុំផ្ទាល់ជាមូលហេតុដែលខ្ញុំជឿថា ការគាំពារសុខភាព គួរតែត្រឹមត្រូវ និងមិនមែនជាឯកសិទ្ធិនោះទេ។
គោលបំណងរបស់លោកស្រីនឹងបញ្ចូលយេនឌ័រនៅក្នុងយុទ្ធនាការឃោសនា ការប្រយុទ្ធការរើសអើងនៅតាមស្ថាប័ននានា ដោយផ្តោតទៅលើផលប្រយោជន៍ពិសេសៗ និងបង្កើតប្រព័ន្ធអំណាចនៅក្នុងក្រុងវ៉ាស៊ីនតោន និងការប្រយុទ្ធប្រឆាំងនឹងអំពើពុក រលួយផ្នែកនយោបាយ និងភាពលោភលន់។
លោកស្រី បានបន្ថែមថា៖ «ខ្ញុំដឹងថា ខ្ញុំមានក្តីមេត្តា សេចក្តីក្លាហាន និងការតាំងចិត្ត ធ្វើឲ្យបានសម្រេចកិច្ចការទាំងអស់នោះ»៕ AFP/PSA
-Newest.gif)
សមាជិកព្រឹទ្ធសភាអាមេរិកលោកស្រី Kirsten Gillibrand។ AFP
