The Phnom Penh Post Search

Search form




Logo of Phnom Penh Post newspaper Phnom Penh Post - លោក​ឃើរី ប្តេជ្ញា​ធ្វើ​ការ​ដើម្បី​សន្តិភាព ប្រឆាំង​នឹង​ភាព​ជ្រុល​និយម​និង​ភេរវកម្ម

លោក​ឃើរី ប្តេជ្ញា​ធ្វើ​ការ​ដើម្បី​សន្តិភាព ប្រឆាំង​នឹង​ភាព​ជ្រុល​និយម​និង​ភេរវកម្ម

លោក​ឃើរី ប្តេជ្ញា​ធ្វើ​ការ​ដើម្បី​សន្តិភាព ប្រឆាំង​នឹង​ភាព​ជ្រុល​និយម​និង​ភេរវកម្ម

130208 18a
រដ្ឋមន្ត្រីការបរទេសថ្មីអាមេរិក លោកចន ឃើរី សម្តែងការប្តេជ្ញាចិត្តក្នុងការងារ បន្ទាប់ពីពិធីស្បថចូលកាន់តំណែងកាលពីថ្ងៃពុធ AFP

ក្រុងវ៉ាស៊ីនតោនៈ លោក ចន ឃើរី បាន​ស្បថ​ជា​សាធារណៈ​ចូល​កាន់​តំណែង​ជា​រដ្ឋ​មន្រ្តី​ការ​បរទេស​កាល​ពី​ថ្ងៃ ​ពុធ ដោយ​ប្តេជ្ញា​ធ្វើ​ការ​ដើម្បី​សន្តិ​ភាព ប៉ុន្តែ​សន្យា​ថា​នឹង​ធ្វើ​អ្វី​ដែល​ចាំបាច់​ដើម្បី​ប្រឆាំង​នឹង​«ភាព ជ្រុល​និយម ភេរវកម្ម ភាព​ចលាចល និង​អំពើ​អាក្រក់»។ លោក ឃើរី បាន​ប្រាប់​អ្នក​ចូល​រួម​ថា​៖«​ខ្ញុំ​មាន​មោទនភាព​ណាស់​ដែល​បាន​កាន់​ការងារ​នេះ ព្រោះ​ខ្ញុំ ចង់​ធ្វើ​ការ​ដើម្បី​សន្តិ​ភាព ហើយ​ព្រះ​តែ​តម្លៃ និង​ឧត្តមគិត​នៃជាតិ​យើង ពិត​ជា​អ្វី​ដែល​តំណាងឲ្យ​ភាព​ល្អ​បំផុត​នៃ​លទ្ធភាព​នៃ​ជីវិត​នៅ​លើ​ផែន​ដី នេះ​»​។

Content image - Phnom Penh Post

ប៉ុន្តែ​លោក បាន​ព្រមាន​ថា ៖«​ខណៈ​ដែល​ការ​ចូល​ចិត្ត​ របស់​ខ្ញុំ គឺ​ដើម្បី​ដំណោះ​ស្រាយ​​ប្រកប​ដោយ​សន្តិ​វិធី​ជុំវិញ​ជម្លោះ ដំណើរ​របស់​ខ្ញុំក៏​បាន​បង្រៀន​ខ្ញុំ​ថា នៅ​ពេល​ថ្នាំ​​ កែ​រោគ​អស់​ប្រសិទ្ធភាព យើង​ត្រូវ​តែ​ត្រៀម​ខ្លួន​ដើម្បី​ការពារ​បុព្វហេតុ​របស់​យើង និង​ធ្វើ​អ្វី​ដែល​ចាំបាច់​ដើម្បី​ប្រឆាំង​នឹង​«​ភាព​ជ្រុល​និយម ភេរវកម្មភាព​ចលាចល និង​អំពើ​អាក្រក់​»​។ លោក ឃើរី បាន​ស្បថ​ចូល​កាន់​តំណែង​ដំបូង​ជា​រដ្ឋ​មន្រ្តី​ការ​បរទេស​នៅ​ឯ​ពិធី​ឯកជន​តូច​មួយ​ នៅ​វិមាន​កាពីតូល​កាល​ពី​ថ្ងៃ​សុក្រ មិន​ដល់​ពីរ​ម៉ោង​ បន្ទាប់​លោក​ស្រី​ ហ៊ីឡារី គ្លីនតុន លាលែង​ពី​ការងារ​។ កាល​ពី​ថ្ងៃ​ ពុធ អនុប្រធានាធិបតី លោក​ចូ បៃដិន បាន​ចាត់​ចែង​ពិធី​ស្បថ​ចូល​កាន់​តំណែង​របស់​លោក ឃើរី ដែល​ជា​មិត្តភក្តិ​យូរលង់​មក​ហើយ​របស់​លោក​ ចាប់​តាំង​ពី​ថ្ងៃ​ដែល​ពួក​គេ​ទាំង​ពីរ​ធ្វើ​ការ​នៅ​ព្រឹទ្ធ​សភា​អាមេរិក​ នៅ​ឯ​ពិធី​មួយ​ដែល​ត្រូវ​ចូល​រួម​ដោយ​អតីត​រដ្ឋ​មន្រ្តី​ការ​បរទេស​លោក​ស្រី ម៉ាដឺឡែន​អាល់ប្រាយ។ ព្រឹទ្ធ​សមាជិក​ជាច្រើន​ទៀត​មាន​លោក​ ចន ម៉ាក់ខេន ក៏​ស្ថិត​ក្នុង​ចំណោម​អ្នក​ចូល​រួម​នេះ​ដែរ កំពុង​ស្តាប់​ខណៈ​លោក បៃដិន សរសើរ សេចក្តី​ស្មោះ​ត្រង់​របស់​លោក ឃើរី និង​ជំនឿ​របស់​លោក​ដែល​ជា​អ្នក​ការ​ទូត​កំពូល​របស់​អាមេរិក​។ លោក បៃដិន បាន​បញ្ជាក់​ថា លោក ​មាន​ការ​សោកស្តាយ​ដែល​លោក​ ឃើរី មិន​បាន​ស្បថ​ចូល​កាន់​តំណែង​ជា​ប្រធានាធិបតី​ក្នុង​ឆ្នាំ​២០០៤ បន្ទាប់​ពី​លោក​ចាញ់ ឆ្នោត​លោក ចច វ៉ក​ឃើរ​ ប៊ូស។ សុន្ទរ​កថា​របស់​លោក​ ឃើរី ពុំ​សូវ​មាន​អាទិភាព​គោល​នយោបាយ​ជាក់​លាក់​ណា​ទេ ថ្វី​បើ​លោក​បាន​បដិសេធ​ក្រុម​អ្នក​រិះគន់ ដែល​អះអាងថា អាមេរិក​គួរ​គិត​ពី​បញ្ហា​សេដ្ឋកិច្ច​ខាង​ក្នុង​៕ NR

អត្ថបទគួរចាប់អារម្មណ៍