The Phnom Penh Post Search

Search form

Logo of Phnom Penh Post newspaper Phnom Penh Post - លោក​ស៊ី បញ្ចប់​ទស្សនកិច្ច​ក្រៅ​ប្រទេស




លោក​ស៊ី បញ្ចប់​ទស្សនកិច្ច​ក្រៅ​ប្រទេស

លោក​ស៊ី បញ្ចប់​ទស្សនកិច្ច​ក្រៅ​ប្រទេស

130401_18a
ប្រធានាធិបតីកុងហ្គោ លោក Denis Sassou Nguesswou (ស្តាំ)ជូនដំណើរលោកស៊ី ធ្វើមាតុភូមិនិវត្តន៍ AFP

ក្រុង​ប្រាហ្សាវីលៈ ប្រធានា​ធិបតី​ចិន​ថ្មី លោក​ស៊ី ជីនភីង បាន​បញ្ចប់​ដំណើរ​ទស្សនកិច្ច​បរទេស​លើក​ដំបូង​របស់​ខ្លួន​ដែល​គេ ឃើញ​លោក​ចុះ​ហត្ថលេខា​លើ​កិច្ច​ព្រម​ព្រៀង​ថាមពល​ជាមួយ​រុស្ស៊ី និង​កិច្ច​ព្រម​ព្រៀង​ជា​ច្រើន​ទៀត​ជា​មួយ​បណ្តា​ប្រទេស​នៅ​ទ្វីប​អាហ្វ្រិក ដែល​សម្បូរ​ធន​ធាន​។

លោក ស៊ី​បាន​បញ្ចប់​ដំណើរ​ទស្សនកិច្ច​របស់​លោក​ដោយ​ប្រធានា​ធិបតី​ចិន​រូប​នេះ ទស្សនកិច្ច​នៅ​សាធារណរដ្ឋ​ប្រជាធិប​តេយ្យ​កុងហ្គោ​ជា​លើក​ទីមួយ​ជា​ប្រទេស​តូច​និង​ក្រី​ក្រ​នៅ​អាហ្វ្រិក​កណ្តាល​ដែល​មាន​ធន​ធាន​ប្រេង​ដ៏​សំខាន់ និង​រ៉ែ​ដែល​មិន​ទាន់​យក​។

នៅ​ថ្ងៃ​ទី​ពីរ និង​ជា​ថ្ងៃ​ចុង​ក្រោយ​នៅ​ទី​ក្រុង​ប្រាហ្សាវីល លោក​បាន​ជួប​ជាមួយ​សមាជិក​នៃ​សហគមន៍​ចិន និង​បាន​ចូល​រួម​ពិធី​សម្ពោធ​មន្ទីរពេទ្យ​ដែល​សង់​ដោយ​ចិន និង​បណ្ណាល័យ​សាកល​វិទ្យាល័យ​ធំ​បំផុត​របស់​រដ្ឋធានី​នេះ មុន​ពេល យន្ត​ហោះ​របស់​លោក​ហោះ​ហើរ​ឆ្ពោះ​មក​ក្រុង​ប៉េកាំង។

លោក ស៊ី ដែល​កំពុង​ធ្វើ​ដំណើរ​ជាមួយ​ភរិយា លោក​ស្រី ផេង លី យួន កាល​ពី​ថ្ងៃ​សុក្រ​បាន​ចុះ​ហត្ថលេខា​លើ​កិច្ច​ព្រម​ព្រៀង​ទំនាក់​ទំនង ធនាគារ និង​ហេដ្ឋា​រចនា​សម្ព័ន្ធ​ក្នុង​ទឹក​ប្រាក់​ជាច្រើន​លាន​ដុល្លារ​អាមេរិក​នៅ​កុងហ្គោ។

ទីភ្នាក់​ងារ​ព័ត៌មាន​រដ្ឋ​ចិន ស៊ីន​ហួ​បាន​រាយការណ៍​ថា លោក​បាន​និយាយ​ថា លោក​សង្ឃឹម​ថា អាច​ពង្រឹង​ការ​យោគ​យល់​គ្នា និង​មិត្តភាព​ទៅ​វិញ​ទៅ​មក ជាមួយ​កុងហ្គោ និង​លើក​ស្ទួយ​ទំនាក់​ទំនង​ទ្វេ​ភាគី​ទៅ​កាន់​កម្រិត​ថ្មី​មួយ​និង​ខ្ពស់​ជាង​មុន។

ពួកគេ​បាន​ស្ថាបនា​កិច្ច​ព្រម​ព្រៀង​ពីរ​បន្ថែម​ទៀត​ក្នុង​តម្លៃ​រាប់​ពាន់​លាន​ដុល្លារ​ក្នុង​នោះ​នឹង​ផ្តល់​មូលនិធិ​ផ្នែក​ផ្លូវ​ហាយ​វ៉េ​ជាង​៥០០​គ.ម.ពីទីក្រុង ប្រាហ្សាវីល​ទៅ​ក្រុង​ Nointe-Noire៕ CC​

អត្ថបទគួរចាប់អារម្មណ៍