The Phnom Penh Post Search

Search form

Logo of Phnom Penh Post newspaper Phnom Penh Post - លោក​អាសាដ​ជំរុញ​​​ក្រុម​​ BRICS ជួយ​បញ្ចប់​​ហិង្សា​នៅ​ស៊ីរី




លោក​អាសាដ​ជំរុញ​​​ក្រុម​​ BRICS ជួយ​បញ្ចប់​​ហិង្សា​នៅ​ស៊ីរី

លោក​អាសាដ​ជំរុញ​​​ក្រុម​​ BRICS ជួយ​បញ្ចប់​​ហិង្សា​នៅ​ស៊ីរី

Content image - Phnom Penh Post

ក្រុង​ដាម៉ាសៈ ប្រធានាធិបតី​ស៊ីរី លោក​ បាសារ អាល់ អាសាដ​បាន​ជំរុញ​ក្រុម​រដ្ឋ​សេដ្ឋកិច្ច​កំពុង​លេច​ធ្លោ ៥ មាន ​ប្រេស៊ីល រុស្ស៊ី ឥណ្ឌា ចិន និង​អាហ្វ្រិក​ខាង​ត្បូង​(BRICS) ជួយ​បញ្ឈប់​អំពើ​ហិង្សា នៅ​ក្នុង​ប្រទេស​​របស់​លោក និង បញ្ចប់​ទុក្ខ​វេទនា​របស់​ប្រជាជន​ ដែល​លោក​បាន​ស្តី​បន្ទោស​ទៅ​លើ​ទណ្ឌកម្ម​អន្តរជាតិ​។

ការ​អង្វករ​របស់​លោក​ បាន​កើត​មាន​ឡើង ខណៈ​ក្រុម​ឃ្លាំ​មើល​សិទ្ធិ​មនុស្ស​«និរ​ទោស​អន្តរជាតិ» បាន​និយាយ​ថា ពិភព​លោក​ត្រូវ​តែ​ដាក់​សម្ពាធ​លើ​គ្រប់​ភាគី​ នៅ​ក្នុង​ជម្លោះ​ដែល​បាន​សម្លាប់​មនុស្ស​ប្រមាណ​៧០​ពាន់​នាក់​ចាប់​ តាំង​ពី​ខែ​មីនា ២០១១​​មក ដើម្បី​បញ្ឈប់​ឧក្រិដ្ឋកម្ម​សង្គ្រាម និង​ឧក្រិដ្ឋ​កម្ម​ប្រឆាំង​នឹង​មនុស្ស​ជាតិ​។

130329_18a
ប្រធានាធិបតីស៊ីរី បាសារ អាល់-អាសាដ (ឆ្វេង) ជួបជាមួយគណៈកម្មាធិការទទួលបន្ទុកអនុវត្តកម្មវិធីដើម្បីដោះស្រាយវិបត្តិស៊ីរី AFP

​នៅ​ក្នុង​លិខិត​មួយ​ផ្ញើ​ ជូន​ប្រធានាធិបតី​អាហ្វ្រិក​ខាង​ត្បូង លោក​ចាកូប ហ្ស៊ូម៉ា លោក​អាសាដ បាន​និយាយ​ថា៖ «​ខ្ញុំ​សូម​អំពាវ​នាវ​ឲ្យ​ក្រុម​មេ​ដឹក​នាំ BRICS ធ្វើ​ការ​រួម​គ្នា ដើម្បី​បញ្ឈប់​ជា​បន្ទាន់​នូវ​អំពើ​ហិង្សា​នៅ​ស៊ីរី ដើម្បី​ធានា​ជោគជ័យ នៃ​ដំណោះ​ស្រាយ​មួយ»។

ក្នុង​លិខិត​ដែល​ទីភ្នាក់ងារ ព័ត៌មាន​រដ្ឋ​ SANA បាន​ចេញ​ផ្សាយ​នោះ​ លោក​អាសាដ​បាន​និយាយ​ថា៖ «ករណី​នេះ​ ទាម​ទារឲ្យ​មាន​ឆន្ទៈ​អន្តរជាតិ​ច្បាស់​លាស់ ដើម្បី​កម្ចាត់​ប្រភព​ភេរវកម្ម​ និង​បញ្ចប់​ការ​ផ្តល់​មូលនិធី និង​ការ​បំពាក់​អាវុធ​របស់​ពួក​គេ»។

មនុស្ស​ស្ទើ​រតែ​៤​លាន​នាក់​បាន​ភៀស​ ខ្លួន​ទៅ​​ប្រទេស​ជិត​ខាង​​ និង​នៅ​ក្នុង​ប្រទេស​ស៊ីរី ខណៈ​ការ​​បះ​បោរ​សន្តិភាព​ពី​ដំបូង បាន​បើក​ផ្លូវ​ឲ្យ​មាន​សង្គ្រាម​ស៊ីវិល​ ដែល​ថ្មី​ៗ នេះ ទំនង​ជា​បាន​ឈាន​ដល់​ការ​ជាប់​គាំង​បង្ហូរ​ឈាម​។​

ប៉ុន្តែ លោក​អាសាដ​បាន​ថ្លែង​ថា ទុក្ខ​វេទនា​របស់​ប្រជាជន​ស៊ីរី​គឺ​«​បង្ក​ ដោយ​ទណ្ឌកម្ម​សេដ្ឋកិច្ច​អយុត្តិធម៌ ដែល​ប្រឆាំង​នឹង​ច្បាប់​អន្តរជាតិ និង​ប៉ះពាល់​ដោយ​ផ្ទាល់​លើ​ជីវិត​ និង​តម្រូវ​ការ​មូលដ្ឋាន​របស់​ពលរដ្ឋ​យើង​»។

លោក​អាសាដ បាន​និយាយ​ថា ស៊ីរី ចង់​ធ្វើ​ការ​ជា​មួយ​ក្រុម​ប្រទេស​ BRICS «ជា​កម្លាំង​យុត្តិធម៌​មួយ​ដែល​ស្វែង​រក​ការ​នាំ​មក​នូវ​សន្តិភាព សន្តិសុខ និង​កិច្ច​សហប្រតិបត្តិការ​ក្នុង​ចំណោម​ប្រទេស ប្រាស​ចាក​ពី​អនុត្តរភាព និង​អយុត្តិធម៌ ដែល​បង្ខិត​បង្ខំ​ជាតិ​និង​ប្រជាជន​យើង​ជា​ច្រើន​ទសវត្សរ៍»។ ​

បន្ទាប់ ពី​ជំនួប​មួយ​នៅ​ក្នុង​ក្រុង​Durban អាហ្វ្រិក​ខាង​ត្បូង  ក្រុម​មេ​ដឹក​នាំ​ប្រេស៊ីល រុស្ស៊ី ឥណ្ឌា ចិន និង​អាហ្វ្រិក​ខាង​ត្បូង​​ បាន​សម្តែង​កង្វល់​ដ៏​ជ្រាល​ជ្រៅ​ចំពោះ ​ស្ថានភាព​សន្តិសុខ និង ស្ថានភាព​មនុស្ស​ធម៌​ដុន​ដាប​នៅ​ស៊ីរី​ ខណៈ​កំពុង​ជំទាស់​ចំពោះ​ការ​អំពាវនាវ​ពី​បស្ចិម​ប្រទេស ឲ្យ​បណ្តេញ​លោក​អាសាដ​ពី​អំណាច​។

ពួក​គេ បាន​អំពាវ​នាវ​ឲ្យ​មាន​«ដំណើរ​ការ​នយោបាយ​ដឹក​នាំ​ដោយ​ស៊ីរី​» ដើម្បី​សម្រេច​​សន្តិភាព តាម​រយៈ​កិច្ច​សន្ទនា​ដែល​«ឆ្លើយ​តប​ទៅ​នឹង​ក្តី​ប្រាថ្នា ស្រប​ច្បាប់​គ្រប់​ផ្នែក ​នៃ​សង្គម​ស៊ីរី និង​គោរព​ឯករាជ​ភាព​ស៊ីរី»៕ CC

អត្ថបទគួរចាប់អារម្មណ៍