The Phnom Penh Post Search

Search form




Logo of Phnom Penh Post newspaper Phnom Penh Post - លោក​អះម៉ាឌី​នេចាដ​ត្រូវ​គេ​ប្រាប់​ឲ្យ​គោរព​និកាយ​ស៊ុននី​ក្នុង​ទស្សនកិច្ច​ក្រុង​គែរ​

លោក​អះម៉ាឌី​នេចាដ​ត្រូវ​គេ​ប្រាប់​ឲ្យ​គោរព​និកាយ​ស៊ុននី​ក្នុង​ទស្សនកិច្ច​ក្រុង​គែរ​

លោក​អះម៉ាឌី​នេចាដ​ត្រូវ​គេ​ប្រាប់​ឲ្យ​គោរព​និកាយ​ស៊ុននី​ក្នុង​ទស្សនកិច្ច​ក្រុង​គែរ​

130207 18a
លោកមួរស៊ី (ស្តាំ) ជួបពិភាក្សាជាមួយលោក អះម៉ាឌីនេចាដ Reuters

ក្រុង គែរៈ ប្រធានា​ធិបតី​អ៊ីរ៉ង់​លោក ម៉ះមូដ អះម៉ាឌីនេចាដ ត្រូវ​បាន​គេ​ប្រាប់​កុំ​ឲ្យ​ជ្រៀត​ជ្រែក​ក្នុង​កិច្ច​ការ​សន្តិសុខ​របស់​ប្រទេស​នៅ​ឈូង​សមុទ្រ​អារ៉ាប់ និង​គោរព​សិទ្ធិ​របស់​ជន​ជាតិ​ភាគ​តិច​ស៊ុននី​របស់​ប្រទេស​លោក ខណៈ​លោក ចាប់​ផ្តើម​ទស្សនកិច្ច​ជា​ប្រវត្តិ​សាស្រ្ត​មួយ​នៅ​អេហ្ស៊ីប​កាល​ពី​ថ្ងៃ​អង្គារ​។ លោក អះម៉ាឌីនេចាដ ដែល​ជា​ប្រធានា​ធិបតី​អ៊ីរ៉ង់​ដំបូង​ដែល​បាន​បំពេញ​ទស្សនកិច្ច​អេហ្ស៊ីប​ក្នុង​ពេល​ជាង​៣០​ឆ្នាំ​ត្រូវ​បាន​គេ​ស្វាគមន៍​ដោយ​កម្រាល​ព្រំ​ក្រហម​របស់​ប្រធានា​ធិបតី​អ៊ិស្លាម​និយម​លោក​ម៉ូហាម៉េត មួរស៊ី ប៉ុន្តែ​ត្រូវ​រិះ​គន់​ដោយ​បព្វជិត​ស៊ុននី​កំពូល​របស់​អេហ្ស៊ីប ក្រោយ​មក​។ លោក​អះ តេ អាល់-តៃយ៉េប បព្វជិត​ជាន់​ខ្ពស់​របស់​វិហារ​អ៊ិស្លាម Al-Azhar ក្នុង​ក្រុង​គែរ ជា​កន្លែង​រៀន​សូត្រ​ថ្នាក់​ខ្ពស់​បំផុត​នៃ​ក្រុម​អ៊ិស្លាម​និកាយ​ស៊ុននី​បាន​ទាម​ទារ​ឲ្យ«ប្រធានា​ធិបតី​អ៊ីរ៉ង់ គោរព​ប្រទេស​បារ៉ែន ជា​រដ្ឋ​អារ៉ាប់​ជា​បង​ប្អូន និង​មិន​ត្រូវ​ជ្រៀត​ជ្រែក​ក្នុង​កិច្ច​ការ​នៃ​បណ្តា​រដ្ឋ​នៅ​ឈូង​សមុទ្រ​ទេ» លោក​អះម៉ាឌីនេចាដ​បាន​ប្រាប់ សន្និសីទ​កាសែត​មួយ​នៅ Al-Azhar ថា លោក«មក​ពី​អ៊ីរ៉ង់​ដើម្បី​ប្រាប់​ថាអេហ្ស៊ីប និង​ពលរដ្ឋ​អេហ្ស៊ីប មាន​កន្លែង​មួយ​ក្នុង​បេះដូង​របស់​ពលរដ្ឋ​អ៊ីរ៉ង់​» លោក​បាន​បន្ត​ថា​៖«ខ្ញុំ​សង្ឃឹម​ថា ដំណើរ​ទស្សន​កិច្ច​នេះ នឹង​ក្លាយ​ជា​ការ​ចាប់ផ្តើម​ថ្មី​មួយ​សម្រាប់​សាមគ្គីភាព​ល្អ​រវាង​ពលរដ្ឋ​ទាំង​ពីរ​» ទីភ្នាក់​ងារ​ព័ត៌មាន​ផ្លូវ​ការ​របស់​អេហ្ស៊ីប MENA បាន​រាយការណ៍​ថា លោក​មួរស៊ី ក៏​បាន​ជួប​ពិភាក្សា​ជាមួយ​លោក​អះ​ម៉ាឌីន ចាដ​ពី​វិធី​ដោះស្រាយ​វិបត្តិ និង​ការ​បញ្ចប់​ការ​បង្ហូរ​ឈាម​នៅ​ក្នុង​ប្រទេស​ស៊ីរី ដោយ​គ្មាន​អន្តរាគមន៍​យោធា​និង​វិធី​ដើម្បី​ពង្រឹង​ទំនាក់ទំនង​ប្រទេស​ទាំង​ពីរ​៕ NR

អត្ថបទគួរចាប់អារម្មណ៍