.jpg)
លោក ដូណាល់ ត្រាំ ថ្លែងសុន្ទរកថា នៅក្នុងយុទ្ធនាការប្រមូលផ្តុំមួយ នៅមជ្ឈមណ្ឌល BOK នៅក្នុងទីក្រុងតុលសា។ AFP
ក្រុងតុលសា៖ ប្រធានាធិបតីអាមេរិកលោក ដូណាល់ ត្រាំ បានវិលត្រឡប់កាលពីថ្ងៃសៅរ៍ទៅកាន់កន្លែងមួយក្នុងចំណោមកន្លែងចូលចិត្តរបស់លោក ដែលជាយុទ្ធនាការប្រមូលផ្តុំមួយ ដោយផ្គើននឹងជំងឺឆ្លងរាតត្បាតកូវីដ ១៩ និងការវាយប្រហារក្រុមគូបដិបក្ខប្រជាធិបតេយ្យរបស់លោកនៅឯកន្លែងព្រឹត្តិការណ៍មួយ ដែលមានហ្វូងមនុស្សរួមច្រើនមិនតិចជាងពីការសន្យាជាមួយលោក។
ការជួបជុំនយោបាយដ៏ស្មោះត្រង់របស់លោក ដូណាល់ ត្រាំ ដើម្បីប្រមូលផ្តុំឃោសនាជាច្រើន នៅក្នុងរដ្ឋអូកឡាហូម៉ា នៅក្នុងការឃោសនាដំបូងរបស់លោករយៈពេល ៣ ខែ ប្រធានាធិបតីរបស់គណបក្សសាធារណរដ្ឋ បានស្វះស្វែងរកសំឡេងគាំទ្រឡើងវិញ នៅក្នុងយុទ្ធនាការឃោសនាបោះឆ្នោតរបស់លោក ដែលកំពុងប្រឈមនឹងវិបត្តិសុខភាព និងសេដ្ឋកិច្ចធ្លាក់ចុះយ៉ាងធ្ងន់ធ្ងរ និងការតវ៉ាប្រឆាំងអយុត្តិធម៌ពូជសាសន៍ ដែលបានធ្វើឡើងនៅក្នុងប្រទេសក្នុងរយៈពេលប៉ុន្មានសប្តាហ៍ថ្មីៗនេះ។
ប៉ុន្តែលោក ដូណាល់ ត្រាំ បានអះអាងអំពីជ័យជម្នះ ជុំវិញការឆ្លងរាលដាល ដែលបានសម្លាប់ជនជាតិអាមេរិកប្រហែល ១២០ ០០០ នាក់ថា៖ «ខ្ញុំបានធ្វើការងារដ៏អស្ចារ្យមួយ ជាមួយបញ្ហានេះ» លោក ត្រាំ បានអះអាងថា សូម្បីតែសមាជិករបស់លោក ៦ នាក់ជាក្រុមនាំមុខគេ នៅក្នុងទីក្រុងតុលសា បានធ្វើតេស្តរកឃើញមានផ្ទុកជំងឺកូវីដ ១៩ ផងដែរ។
ព្រឹត្តិការណ៍នោះ ដែលសេតវិមានបានសន្យាថា នឹងមានមនុស្សយ៉ាងច្រើនមកចូលរួមចាប់ពី ១០ ម៊ឺននាក់ឡើងទៅ ប៉ុន្តែការពិតនោះ មិនមានមនុស្សមកពេញវេទិកាដែលមានកៅអីចំនួន ១៩ ០០០ កៅអី ដែលលោក ត្រាំ បានថ្លែងសុន្ទរកថានោះទេ បានបង្ហាញថា ជាកន្លែងផ្ទុះហិង្សាមួយនៅក្នុងពេលដែលមានការឆ្លងរាលដាលជំងឺកូវីដ ១៩។
ប៉ុន្តែលោក ត្រាំ បានចាប់អារម្មណ៍កាន់តែខ្លាំងឡើងនៅក្នុងការធ្វើឲ្យជោគវាសនានយោបាយរបស់លោករស់ឡើងវិញ ក្រោយពីបានធ្វើឲ្យប៉ះពាល់យ៉ាងធ្ងន់ធ្ងរអស់ជាច្រើនសប្តាហ៍ ដែលត្រូវបានគេមើលឃើញថា បានបន្តធ្វើឲ្យសេដ្ឋកិច្ចធ្លាក់ចុះ ដោយសារការឆ្លងរាលដាលនៃវីរុសផ្លូវដង្ហើមកូរ៉ូណា ការតវ៉ានៅទូទាំងប្រទេសជុំវិញអយុត្តិធម៌ពូជសាសន៍ ការបង្កឲ្យមានការប្រមូលផ្តុំ និងឥស្សរជនផ្សេងទៀត និងការរិះគន់ជាច្រើននៅក្នុងនោះរួមមាន អតីតជំនួយការជាច្រើនរូបទៀត នៅក្នុងការគ្រប់គ្រងអំណាចរបស់លោកប្រធានាធិបតី។
លោក ត្រាំ បានថ្លែងនៅក្នុងចំណោមហ្វូងមនុស្ស ១ ក្រុម ដោយបានថ្លែងសុន្ទរកថាប្រឆាំងនៅក្នុងការឃោសនា ដែលលោកបានស្រែកខ្លាំងៗ ទៅលើគូបដិបក្ខរបស់លោក ក្នុងយុទ្ធនាការរកសំឡេងឆ្នោតឆ្នាំ ២០២០ គឺបេក្ខជនមកពីគណបក្សប្រជាធិបតេយ្យ គឺលោក ចូ បៃដិន ថា ជា«តុក្កតាអស់សង្ឃឹមមួយរបស់ក្រុមឆ្វេងនិយម» «ការនៅស្ងៀមស្ងាត់របស់មនុស្សពេញវ័យ គឺមានសំឡេងកាន់តែខ្លាំងឡើងមិនធ្លាប់មានពីមុន»។
លោក ដូណាល់ ត្រាំ បានថ្លែងថា៖ «រយៈពេល ៥ ខែចាប់ពីពេលនេះទៅ យើងនឹងយកឈ្នះលោក ចូ បៃដិន ដោយស្ងៀមស្ងាត់»។
អ្នកចូលរួមការជួបជុំជាច្រើន បានពាក់មួក ឬអាវយឺតពណ៌ក្រហម ដែលបានសរសេរថា «ធ្វើឲ្យប្រទេសអាមេរិកអស្ចារ្យម្តងទៀត»៕ AFP/SK
