.jpg)
បុរស ២ នាក់ដើរឆ្លងកាត់រ៉ុក្កែតស្អុយ ១ គ្រាប់នៅក្នុងតំបន់ការ៉ាបាក់ហ៍។ AFP
ក្រុងយ៉េរ៉េវ៉ាន់ៈ នាយករដ្ឋមន្ត្រីអាមេនីលោក នីកូល ប៉ាស្ស៊ីនយ៉ាន បានថ្លែងកាលពីថ្ងៃអង្គារ នៅក្នុងបទសម្ភាសមួយជាមួយកាសែត AFP ថា៖ «ការគាំទ្រយ៉ាងពេញទំហឹង» របស់តួកគីបានលើកទឹកចិត្តឲ្យសម្ព័ន្ធមិត្តអាស៊ែបៃហ្សង់របស់ខ្លួន បង្កើនការប្រយុទ្ធកាន់តែខ្លាំងឡើងនៅក្នុងតំបន់ជម្លោះណាហ្គូរណូការ៉ាបាក់ហ៍ ដោយបានហៅជម្លោះកាន់តែខ្លាំងនោះថា ជា «សង្គ្រាមប្រឆាំងភេរវកម្ម» ១។
លោកនាយករដ្ឋមន្ត្រីមានវ័យ ៤៥ ឆ្នាំរូបនោះបានថ្លែងថា៖ «វាជាការពិតណាស់ ដែលភាពជាមេដឹកនាំរបស់អាស៊ែបៃហ្សង់ត្រូវបានកំពុងប្រើប្រាស់វោហាស័ព្ទចូលចិត្តធ្វើសង្គ្រាមយ៉ាងសកម្មអស់រយៈពេល ១៥ ឆ្នាំចុងក្រោយនេះ បច្ចុប្បន្នការសម្រេចចិត្ត ដើម្បីរៀបចំសកម្មភាពធ្វើសង្គ្រាម ១ ត្រូវបានលើកទឹកចិត្តដោយការគាំទ្រយ៉ាងពេញទំហឹងរបស់ប្រទេសតួកគី»។
លោកបានបន្ថែមថា៖ «បើគ្មានការជាប់ពាក់ព័ន្ធយ៉ាងសកម្មរបស់ប្រទេសតួកគីទេ សង្គ្រាមនេះនឹងមិនបានចាប់ផ្តើមផ្ទុះឡើងនោះទេ» ដោយបានថ្លែងប្រាប់កាសែត AFP នៅក្នុងបន្ទប់ប្រណីតមួយរបស់វិមានរដ្ឋាភិបាលនៅកណ្តាលរដ្ឋធានីយ៉េរ៉េវ៉ាន់នៅប្រទេសអាមេនី។
លោកនាយករដ្ឋមន្ត្រីបានទៅដល់នៅក្នុងក្បួនរថយន្តអមដំណើរមួយជាមួយរថយន្តស៊ីរ៉ែនបើកផ្លូវជាច្រើនគ្រឿង ខណៈក្រុមទាហានប្រដាប់អាវុធជាច្រើន នៅក្នុងរថយន្តប្រយុទ្ធបានបើកសំដៅទៅច្រកចូលអគារធំមួយដែលបានសាងសង់នៅក្នុងសម័យរបស់ជនផ្តាច់ការលោក ចូសេបហ៍ ស្តាលីន៕ SK
