.jpg)
លោក Andres Arauz ជាសេដ្ឋវិទូ និងអ្នកឆ្វេងនិយមបានអះអាងថា នេះជា «ជោគជ័យដ៏អស្ចារ្យ» នៅពេលសំឡេងឆ្នោតជាបណ្ដោះអាសន្នត្រូវបានគេប៉ាន់ប្រមាណថា លោកអាចនឹងមានឱកាសអាចប្រកួតប្រជែងជាមួយនឹងអតីតអ្នកធនាគារ និងជាអ្នកស្តាំនិយមលោក Guillermo Lasso។
សំឡេងឆ្នោតពី ២ តំបន់បង្ហាញឱ្យឃើញថា លោក Arauz បានទទួលសំឡេងគាំទ្រខ្ពស់បំផុតដោយទទួលបាន ៣៤,៩ ទៅ ៣៦,២ ភាគរយ ច្រើនជាងលោក Lasso ដែលទទួលបានសំឡេង ២១ ទៅ ២១,៧ ភាគរយ។
ដើម្បីឈ្នះឆ្នោតទាំងស្រុងបេក្ខភាពនៃគណបក្សនីមួយៗត្រូវការសំឡេង ៥០ ភាគរយ បូកមួយ ឬ ៤០ ភាគរយ និងនាំមុខ ១០ ពិន្ទុលើគូប្រជែងដែលស្ថិតនៅលំដាប់កៀកគ្នាបំផុត។ យ៉ាងណាមិញ បើគិតត្រឹមយប់ថ្ងៃអាទិត្យ ដំណើរការបោះឆ្នោតទើបតែសម្រេចបាន ១៧ ភាគរយប៉ុណ្ណោះ៕
