.jpg)
ពលរដ្ឋអាមេរិក កំពុងចំណាយពេលវេលានៅពេលថ្ងៃ នៅកន្លែងកម្សាន្តឆ្នេរ Orchard Beach មុនថ្ងៃឈប់សម្រាកនៅក្នុងទីក្រុងញូវយ៉ក។ AFP
ក្រុងវ៉ាស៊ីនតោន៖ មន្ត្រីនៅកន្លែងមានវិបត្តិឆ្លងវីរុសផ្លូវដង្ហើមកូរ៉ូណាកាន់តែអាក្រក់ខ្លាំងឡើង នៅអាមេរិកបានព្រមានកាលពីថ្ងៃអាទិត្យថា មន្ទីរពេទ្យជាច្រើនរបស់ពួកគេ គឺស្ថិតនៅក្នុងសភាពគ្រោះថ្នាក់យ៉ាងខ្លាំង ដោយសារការឆ្លងជំងឺកូវីដ ១៩ យ៉ាងច្រើនសន្ធឹកសន្ធាប់នៅក្នុងប្រទេសនេះ ខណៈដែលប្រទេសឥណ្ឌា បានទទួលនូវកំណត់ត្រាអំពីចំនួនករណីឆ្លងថ្មីកើនឡើងច្រើន។
នៅក្នុងសញ្ញានៃការរីកចម្រើននានា កម្មវិធីប្រកួតម៉ូតូ Formula One បានត្រឡប់មកជាមួយរដូវបើកពិធី Austrian Grand Prix បានរៀបចំធ្វើឡើង ក្រោយពីការបិទប្រទេស ខណៈសារមន្ទីរ Louvre នៅក្នុងទីក្រុងប៉ារីស ត្រូវបើកឡើងវិញ កាលពីថ្ងៃចន្ទក្រោយពីបានបិទអស់រយៈពេល ១៦ សប្តាហ៍។
អាមេរិកបានតស៊ូដើម្បីឆ្លើយតបទៅនឹងការបំផ្លិចបំផ្លាញយ៉ាងអាក្រក់បំផុត ដោយសារវីរុសផ្លូវដង្ហើមកូរ៉ូណាប្រភេទថ្មីមួយនេះ ដោយមានចំនួនអ្នកស្លាប់សរុបនៅក្នុងប្រទេសនេះ បានកើនឡើងរហូតដល់ជិត ១៣០ ០០០ នាក់ ដោយមានករណីឆ្លងចំនួន ២,៨ លាននាក់ ហើយរដ្ឋជាច្រើនទៀត បានរងការប៉ះពាល់ ដោយសារការឆ្លងកាន់តែខ្លាំងឡើង ក្រោយពីការបិទប្រទេស និងការរឹតបន្តឹងការធ្វើដំណើរត្រូវបានបន្ធូរបន្ថយនៅអាមេរិក។
គ្រែមន្ទីរពេទ្យមួយចំនួន ត្រូវបានពេញនៅក្នុងផ្នែកខ្លះនៃរដ្ឋតិចសាស់ ខណៈអាជ្ញាធររដ្ឋនេះបានអំពាវនាវចេញបញ្ជាឲ្យពលរដ្ឋរបស់ខ្លួនស្នាក់នៅក្នុងផ្ទះជាថ្មីម្តងទៀត អភិបាលក្រុងខ្លះបានថ្លែងថា ទីក្រុងរបស់ពួកគេបានបើកឡើងវិញលឿនពេកហើយ ខណៈប្រធានាធិបតីអាមេរិក លោក ដូណាល់ ត្រាំ បានព្យាយាមនិយាយសម្រួលអំពីស្ថានការណ៍ជំងឺនោះថា បានធ្វើឲ្យចាប់អារម្មណ៍យ៉ាងខ្លាំងនៅក្នុងប្រទេសមួយនេះ។
ប្រទេសឥណ្ឌា បានប្រឈមមុខជាមួយឧបសគ្គស្រដៀងគ្នានេះដែរ ខណៈខ្លួនបានកត់ត្រាអំពីចំនួនករណីឆ្លងវីរុសប្រចាំថ្ងៃនៅទូទាំងប្រទេសជាទីដែលមន្ទីរពេទ្យមួយចំនួនបានផ្តល់ទិន្នន័យមិនត្រឹមត្រូវ និងការឆ្លងជំងឺកូវីដ ១៩ យ៉ាងច្រើនទំនងជាមិនបានធ្វើរោគវិនិច្ឆ័យនោះទេ។
យោងតាមចំនួនសរុបរបស់កាសែត AFP មួយកាលពីថ្ងៃអាទិត្យបានផ្អែកទៅលើប្រភពផ្លូវការបានឲ្យដឹងថា ការឆ្លងរាលដាលវីរុសផ្លូវដង្ហើមកូរ៉ូណាប្រភេទថ្មីនោះ បានសម្លាប់មនុស្សយ៉ាងតិច ៥៣១ ៧៨៩ នាក់ និងឆ្លងជាង ១១ លាននាក់នៅទូទាំងពិភពលោក ចាប់តាំងពីវីរុសនេះ ផ្ទុះឡើងនៅចិនកាលពីចុងឆ្នាំ ២០១៩ កន្លងទៅនោះ។
បន្ទាប់ពីអាមេរិក ប្រេស៊ីល គឺជាប្រទេសដែលរងប៉ះពាល់ខ្លាំងបំផុត ដោយមានចំនួនអ្នកស្លាប់ ៦៤ ៨៦៧ នាក់ ហើយបន្ទាប់មក គឺអង់គ្លេស អ៊ីតាលី និងម៊ិកស៊ិក។
ទិវាឯករាជ្យ US កាលពីថ្ងៃទី ៤ ខែកក្កដា ត្រូវគ្របដណ្តប់ដោយភ័ស្តុតាងកាន់តែច្រើនឡើងដែលថា ការឆ្លើយតបវីរុសមិនបានត្រឹមត្រូវ៕ AFP/SK
