The Phnom Penh Post Search

Search form

Logo of Phnom Penh Post newspaper Phnom Penh Post - វៀតណាម ចិន​នៅ​​តែ​​ជាប់​គាំង​​ក្នុង​ជម្លោះ​សមុទ្រ បន្ទាប់ពី​ជំនួប




វៀតណាម ចិន​នៅ​​តែ​​ជាប់​គាំង​​ក្នុង​ជម្លោះ​សមុទ្រ បន្ទាប់ពី​ជំនួប

វៀតណាម ចិន​នៅ​​តែ​​ជាប់​គាំង​​ក្នុង​ជម្លោះ​សមុទ្រ បន្ទាប់ពី​ជំនួប

ក្រុងណៃពិដោៈ ក្រុម​មន្រ្តី​ចិន និង​វៀតណាម បាន​ជជែក​គ្នា​ជុំវិញ​ជម្លោះ​ដែនសមុទ្រ​ដែល​បាន​បង្ក​ឲ្យ​មាន​កុបកម្ម​សម្លាប់​មនុស្ស ច្រើន នៅ​វៀតណាម ដោយ​រដ្ឋមន្រ្តី​ការពារ​ជាតិ​ក្រុង​ហាណូយ បាន​មាន​ប្រសាសន៍​ពី​ថ្ងៃ​អង្គារ​ថា ប្រទេស​ជិត​ខាង​ទាំង​ពីរ មិន​ទាន់​ឈាន​ដល់​កិច្ចព្រមព្រៀង​ណា​មួយ​ទេ។

ភាព​តានតឹង​នៅ​តែ​ខ្ពស់​នៅក្នុង​តំបន់ បន្ទាប់ពី​ការ​ផ្ទុះកំហឹង​ប្រឆាំង​ចិន​មួយ នៅ​វៀតណាម​ជុំវិញ​ផែនការ​ដ៏ចម្រូងចម្រាស​របស់​ក្រុង​ប៉េកាំង ដើម្បី​ខួង​យក​ប្រេង​នៅក្នុង​ដែន​ទឹក​ដែល​មាន​ជម្លោះ​ដែល​ក្នុង​នោះ អ្នកមាន កំហឹង កាលពី​សប្តាហ៍​មុន បាន​វាយប្រហារ​ទៅលើ​ទីតាំង​ជំនួញ​ដែល​ម្ចាស់​ជា​ជនបរទេស​រាប់​រយ​កន្លែង ដោយ​បាន​សម្លាប់​ជនជាតិ​ចិន​៤​នាក់ និង​បាន​បង្ក​របួស​ធ្ងន់​ស្រាល​១២៦​នាក់។

ចិន​បាន​ឆ្លើយតប​ដោយ​ធ្វើការ​ជម្លៀស​ពលរដ្ឋ​របស់​ខ្លួន​រាប់​ពាន់​ចេញ​ពី​វៀតណាម ខណៈ​ដែល​ទំនាក់ទំនង រវាង​ប្រទេស​ជិត​ខាង​ទាំង​ពីរ បាន​ធ្លាក់​ទាប​បំផុត​ក្នុង​ប៉ុន្មាន​ទសវត្សរ៍​នេះ។

រដ្ឋមន្រ្តី​ក្រសួង​ការពារ​ជាតិ វៀតណាម លោក ផុង ក្វាន់ថាញ បាន​និយាយ​ថា ភាគី​ទាំង​ពីរ​បាន​ពិភាក្សា​អំពី​ការ​ដាក់​ឧបករណ៍​ខួង​ប្រេង​ដ៏​ធំ នៅក្នុង​ទឹកដី​ដែល​មាន​ជម្លោះ​និង​បាន សង្កត់​ធ្ងន់​លើ​តម្រូវការ​ឲ្យ​មាន «​ដំណោះស្រាយ​ដោយ​សន្តិវិធី​មួយ​»​ចំពោះ​ជម្លោះ​នោះ​ក្នុង​ពេល​ជំនួប ទាំងនោះ​។

ក្នុង​អំឡុង​ជំនួប​រដ្ឋមន្រ្តី​ការពារ​ជាតិ​នៃ​រដ្ឋ​ជា​សមាជិក​អាស៊ាន​នៅក្នុង​រដ្ឋធានី​ណៃពិដោ​របស់​មីយ៉ាន់ម៉ា​កាលពី​ថ្ងៃ​អង្គារ​ដែល​ចិន​បាន​ចូលរួម លោក បាន​ប្រាប់​ក្រុម​អ្នកកាសែត​ថា៖ «​យើង​នៅ​តែ​មាន​ទស្សនៈ​ផ្សេង​ពី​គ្នា​»។

កិច្ចពិភាក្សា​ថ្នាក់​រដ្ឋមន្រី្ត​ធម្មតា ត្រូវ​បាន​គ្របដណ្តប់​ដោយ​បញ្ហា​សមុទ្រ​ចិន​ខាង​ត្បូង​ដែល​សមាជិក អាស៊ាន​ជាច្រើន ដូចជា ហ្វីលីពីន ប្រ៊ុយណេ ម៉ាឡេស៊ី​និង​វៀតណាម ទាមទារ។

កាលពី​សប្តាហ៍​មុន ក្រុម​មេដឹកនាំ​នៃ​ប្លុក​ប្រទេស​១០​នេះ បាន​បង្ហាញ​ពី​រណសិរ្ស​បង្រួបបង្រួម​ដ៏​កម្រ​មួយ ដោយ​ការ​សម្តែង​«​កង្វល់​ដ៏​ធ្ងន់ធ្ងរ​»​ជុំវិញ​ជម្លោះ​នៅក្នុង​ដែន​ទឹក ដែល​ជា​ទីតាំង​សម្រាប់​នាវាចរណ៍​ដឹកជញ្ជូន​ដ៏សំខាន់ និង​ត្រូវ​គេ​គិត​ថា ជា​កន្លែង​សម្បូរ​ដោយ​ធនធាន ថាមពល​៕ PSA

អត្ថបទគួរចាប់អារម្មណ៍