វ៉ាក់សាំងជំងឺកូវីដ១៩ ផលិតដោយក្រុមហ៊ុនចិន Sinopharm មានសកម្មភាពប្រឆាំងនឹងវ៉ារ្យង់វីរុសកូរ៉ូណាអាហ្វ្រិកខាងត្បូង តែប្រសិទ្ធភាពទាបជាងការប្រឆាំងនឹងវីរុសដើម នេះបើតាមការសិក្សាបឋមមួយចុះផ្សាយកាលពីថ្ងៃអង្គារទី០២ កុម្ភៈ។
ការសិក្សានេះត្រូវបានសរសេរដោយអ្នកស្រាវជ្រាវមកពីវិទ្យាស្ថានផលិតផលជីវសាស្ត្រទីក្រុងប៉េកាំង នៃក្រុមហ៊ុន Sinopharm និងវិទ្យាស្ថានមីក្រូជីវសាស្ត្រនៃបណ្ឌិតសភាវិទ្យាសាស្ត្រចិន។
វ៉ាក់សាំង Sinopharm ត្រូវបានអនុម័តនៅក្នុងប្រទេសចិនសម្រាប់ការប្រើប្រាស់ជាសាធារណៈ និងត្រូវបានប្រើនៅក្នុងប្រទេសមួយចំនួនទៀតដែលរួមទាំងប្រទេសអារ៉ាប់រួម៕