វ៉ាក់សាំង Sputnik V របស់រុស្ស៊ីមានប្រសិទ្ធភាព ៩១,៦% ក្នុងការការពារមនុស្សពីការកើតជំងឺកូវីដ១៩។ នេះបើយោងតាមលទ្ធផលការសាកល្បងដំណាក់កាលចុងក្រោយដែលត្រូវបានពិនិត្យឡើងវិញ ហើយចុះផ្សាយក្នុងទស្សនាវដ្ដីវេជ្ជសាស្ត្រ Lancet។
លទ្ធផលបានផ្អែកលើទិន្នន័យពីអ្នកស្ម័គ្រចិត្តចំនួន ១៩ ៨៦៦ នាក់ដែលក្នុងនោះ ១ ភាគ ៤ បានទទួលបានផ្លាស៊ីបូ។ តាំងពីការសាកល្បងនៅទីក្រុងម៉ូស្គូបានចាប់ផ្ដើមមានអ្នកទទួលវ៉ាក់សាំងចំនួន ១៦ រូបចេញរោគសញ្ញាកូវីដ១៩ ធៀបនឹងមនុស្សចំនួន ៦២ នាក់ដែលមិនបានទទួលវ៉ាក់សាំង។
ប្រទេសរុស្ស៊ីបានអនុញ្ញាតឱ្យប្រើប្រាស់វ៉ាក់សាំងនេះនៅក្នុងខែសីហា មុនពេលការសាកល្បងទ្រង់ទ្រាយធំបានចាប់ផ្តើម៕