The Phnom Penh Post Search

Search form




Logo of Phnom Penh Post newspaper Phnom Penh Post - វ៉ាក់សាំង Sputnik V រុស្ស៊ី​មានប្រសិទ្ធភាពខ្ពស់​ប្រឆាំង​នឹង​វ៉ារ្យ៉ង់​មក​ពី​ប្រេស៊ីល

វ៉ាក់សាំង Sputnik V រុស្ស៊ី​មានប្រសិទ្ធភាពខ្ពស់​ប្រឆាំង​នឹង​វ៉ារ្យ៉ង់​មក​ពី​ប្រេស៊ីល

Content image - Phnom Penh Post
វ៉ាក់សាំងកូវីដ ១៩ Sputnik V ដឹកមកដល់ព្រលានយន្តហោះអន្តរជាតិ Ezeiza នៅក្នុងខេត្ត Buenos Aires ប្រទេសអាហ្សង់ទីន កាលពីថ្ងៃទី ២៤ ឧសភា។ AFP

វ៉ាក់សាំង Sputnik V រុស្ស៊ី​មានប្រសិទ្ធភាពខ្ពស់​ប្រឆាំង​នឹង​វ៉ារ្យ៉ង់​មក​ពី​ប្រេស៊ីល

យោងតាមមូលនិធិវិនិយោគផ្ទាល់របស់រុស្ស៊ី (RDIF) និងការសិក្សាដែលធ្វើឡើងដោយអ្នកស្រាវជ្រាវនៅ​ប្រទេស​អាហ្សង់ទីន​ បានឱ្យ​ដឹងថា វ៉ាក់សាំង ​Sputnik V របស់រុស្ស៊ី​ មានប្រសិទ្ធភាពខ្ពស់​ក្នុង​ការ​ប្រយុទ្ធ​ប្រឆាំងនឹងវ៉ារ្យ៉ង់មកពីប្រេស៊ីល។

ការសិក្សាដែលមានមូលដ្ឋាននៅអាហ្សង់ទីន​ បានរកឃើញ​ប្រសិទ្ធភាព​ដ៏​ខ្លាំង​ក្លារបស់​វ៉ាក់សាំង Sputnik V ​​ប្រឆាំង​វ៉ារ៉្យង់​មក​ពី​ប្រទេស​ប្រេ​ស៊ីល​​។ យោងតាមការសិក្សា​របស់​អាហ្សង់ទីន​ ​បាន​បង្ហាញ​ថា វ៉ាក់សាំង​នេះ​ មាន​ប្រសិទ្ធភាព​ប្រឆាំង​នឹង​វ៉ារ៉្យង់​ប្រមាណ ៨៥,៥ % នៅ​​​ដូស​ទី១ និង​ស្ទើរ​ស្មើ​នឹង​ ១០០% នៅ​ដូស​ទី២។

លោក Rogelio Pizzi ព្រឹទ្ធបុរស​មហាវិទ្យាល័យ​វិទ្យាសាស្ត្រ​វេជ្ជសាស្ត្រ UNC បាន​ប្រាប់​សារព័ត៌មាន​ Reuter ថា ​​វ៉ាក់សាំង​ Sputnik V ​មាន​សមត្ថភាព​ប្រឆាំង​នឹង​វ៉ារ្យ៉ង់​នេះ​ ដោយ​ជោគជ័យ។

គួរបញ្ជាក់​ផងដែរថា វ៉ារ៉្យង់​ P1 គឺ​ជាវ៉ារ៉្យង់​ត្រូវ​បាន​រក​ឃើញ​​ប្រេស៊ីល ដែល​បាន​វាយលុក​ប្រេស៊ីល​ និង​អាមេរិក​ឡាទីន​​។ អ្នកវិទ្យាសាស្ត្រ​នៅ​ប្រទេសប្រេស៊ីល​ បានរកឃើញ​ថា​ ការ​ផ្លាស់​​ប្តូររ​បស់​វ៉ារ្យង់​ អាច​ធ្វើ​ឱ្យ​វា​កាន់​តែ​ធន់​ទៅនឹងអង្គបដិបក្ខ​ប្រាណ​ និង​បង្កើន​ឱ្យ​មាន​ការព្រួយបារម្ភ​ជា​អន្តរជាតិ​ អំពី​សក្តានុពល​របស់វា​ ខណៈ​វ៉ាក់​សាំង​​មាន​ប្រសិទ្ធភាព​តិច៕

អត្ថបទគួរចាប់អារម្មណ៍