.jpg)
មេដឹកនាំប្រឆាំងលោក Juan Guaido ថ្លែងក្នុងសន្និសីទកាសែត។ AFP
ក្រុងការ៉ាកាសៈ ប្រទេស វ៉េណេស៊ុយអេឡា បានទទួលជំនួយមនុស្សធម៌កាកបាទក្រហមលើកទី២ ក្នុងនោះមានសម្ភារពេទ្យ ២៤ តោន និងម៉ាស៊ីនភ្លើងជាច្រើនគ្រឿងដែលបានផ្តល់ឲ្យដោយប្រទេស ប៉ាណាម៉ា សម្រាប់មន្ទីរពេទ្យ ដើម្បីជួយដោះស្រាយវិបត្តិសុខាភិបាលយ៉ាងធ្ងន់ធ្ងររបស់ប្រទេសមួយនេះ។
នៅក្នុងសេចក្តីថ្លែងការណ៍មួយ កាកបាទក្រហមប្រទេស វ៉េណេស៊ុយអេឡា បានថ្លែងថា ខ្លួនបានទទួលនូវ «ថ្នាំពេទ្យ សម្ភារផ្គត់ផ្គង់ និងម៉ាស៊ីនភ្លើងជាច្រើន» ដែលនឹងត្រូវចែកចាយដល់មន្ទីរពេទ្យនៅទូទាំងប្រទេសដែលកំពុងជួបប្រទះ វិបត្តិយ៉ាងធ្ងន់ធ្ងរនៅក្នុងប្រវត្តិសាស្ត្ររបស់ខ្លួន កាលពីពេលថ្មីៗនេះ។
អ្នកកាសែត AFP ម្នាក់ បានអះអាងថា រថយន្ត ៦ គ្រឿង បានដឹកជញ្ជូនជំនួយទាំងនោះទៅឃ្លាំងកាកបាទក្រហមមួយកន្លែងនៅក្រុងការ៉ាកាស។
ការដឹកជញ្ជូនជំនួយ បានជួយបន្ធូរបន្ថយការខ្វះខាតថ្នាំពេទ្យខ្លះ និងសម្ភារផ្គត់ផ្គង់មន្ទីរពេទ្យនៅក្នុងប្រទេស វ៉េណេស៊ុយអេឡា ដែលបានរងការឈឺចាប់ជាង ៤ ឆ្នាំ ដោយសារសេដ្ឋកិច្ចធ្លាក់ចុះយ៉ាងដុនដាប ជាមូលដ្ឋានដែលយើងត្រូវការស្បៀងអាហារ និងថ្នាំពេទ្យជាច្រើន។
អង្គការសហប្រជាជាតិបានថ្លែងថា ១ ភាគ ៤ នៃចំនួនប្រជាជន ៣០ លាននាក់ របស់ប្រទេស វ៉េណេស៊ុយអេឡា ត្រូវការជំនួយជាចាំបាច់។
ប្រទេសនៅអាមេរិកខាងត្បូង សម្បូរប្រេងមួយនេះ បានរងផលប៉ះពាល់ ដោយសារផលិតកម្មប្រេងធ្លាក់ចុះ៕ AFP/SK
