.jpg)
លោក សារ៉ាវ៉ុត ប៊ែងចាគុល សួរសុខទុក្ខ ហ្គាណាគូន ភៀនចាន់ណា។ BKP
ក្រុងបាងកក៖ ឧបនាយករដ្ឋមន្ត្រីលោក វិស្សណុ គ្រៀណាម បានថ្លែងកាលពីថ្ងៃពុធថា គណៈកម្មាធិការសភាជាតិ មានសិទ្ធិតាមដានករណីប៉ុនប៉ងអត្តឃាតនៅក្នុងបន្ទប់តុលាការដោយលោក ហ្គាណាគូន ភៀនចាន់ណា ខ្លួនឯង ប៉ុន្តែពួកគេត្រូវតែបង្ហាញឲ្យបានច្បាស់អំពីការសម្រេចចិត្តលើករណីរបស់លោក។
ការព្រមានរបស់លោក បានកើតឡើង ក្រោយពីគណៈកម្មាធិការសភាជាតិទទួលបន្ទុកកិច្ចការច្បាប់ យុត្តិធម៌ និងសិទ្ធិមនុស្ស រៀបចំបើកការស៊ើបអង្កេតលើករណីបាញ់សម្លាប់ខ្លួនឯង និងត្រួតពិនិត្យការអះអាងរបស់ចៅក្រមអំពីការជ្រៀតជ្រែកនៅក្នុងសំណុំរឿង ដែលលោកកំពុងធ្វើការសម្រេចនោះ។
លោក វិស្សណុ បានថ្លែងថា គណៈកម្មាធិការដែលត្រូវបានធ្វើជាប្រធានដោយអគ្គលេខាធិការរបស់បក្សអនាគតឆ្ពោះទៅមុខ (FFP) គឺលោក ភីយ៉ាប៊ុត្រ-ស៊េងកាណុកគុល និងសមាជិកផ្សេងទៀត អាចបើកស៊ើបអង្កេតករណីនោះ ប៉ុន្តែមិនបិទបាំងសាលក្រមបានទេ។
លោក ហ្គាណាគូន បានបាញ់សម្លាប់ខ្លួនឯង ក្រោយពីការដោះលែងចុងចោទ ៥ រូប ក្នុងករណីបាញ់សម្លាប់មនុស្ស ៥ នាក់ស្លាប់ នៅស្រុកបានណាងសាតា នៃខេត្តយ៉ាឡា ក្នុងឆ្នាំ ២០១៨៕ BKP/SK
