ក្រុងប៉េកាំងៈ សមាជិកសភាកំពូលរបស់ចិន គឺលោក លី ហ្សានស្ស៊ូ បានបើកកិច្ចពិភាក្សាតាមវីដេអូខុនហ្វើរិន នៅក្នុងទីក្រុងប៉េកាំងជាមួយសមភាគីឡាវរបស់លោក គឺលោកស្រី ផានី យ៉ាធូធូ កាលពីថ្ងៃចន្ទ។
សមាជិកសភាលោក លី ហ្សានស្ស៊ូ ជាប្រធានគណៈកម្មាធិការអចិន្រ្តៃយ៍សភាប្រជាមានិតចិន (NPC) បានថ្លែងថា ប្រទេសចិន និងឡាវ បានជួយគ្នាទៅវិញទៅមកនៅក្នុងការប្រយុទ្ធប្រឆាំងការឆ្លងរាលដាលជំងឺកូវីដ ១៩ ដែលបានបង្ហាញអំពីមិត្តភាពយ៉ាងជ្រាវជ្រៅ រវាងប្រជាជននិងប្រទេសទាំង ២។
លោក លី ហ្សានស្ស៊ូ បានបញ្ជាក់ថា ឆ្នាំ ២០២១ ខាងមុខនេះ ប្រទេសចិន នឹងប្រារព្ធខួបលើកទី៦០ នៃការបង្កើតចំណងទំនាក់ទំនងការទូតចិន-ឡាវ និងឆ្នាំមិត្តភាពប្រទេសចិន-ឡាវ ដោយបានឆក់យកឳកាសដ៏សំខាន់ថ្មីមួយ សម្រាប់ការបង្កើតទំនាក់ទំនងរវាងបក្សនិងប្រទេសទាំង ២។
លោក លី ហ្សានស្ស៊ូ បានថ្លែងថា៖ «ប្រទេសចិន កំពុងរងចាំធ្វើការជាមួយឡាវ ដើម្បីអនុវត្តផែនការសកម្មភាព ក្នុងការបង្កើតសហគមន៍ចិន-ឡាវ មួយ ជាមួយការចែករំលែកអនាគត ពង្រឹងទំនាក់ទំនងយុទ្ធសាស្ត្រកិច្ចសហប្រតិបត្តិការគិតតែពីលទ្ធផលយ៉ាងជ្រាវជ្រៅ លើកស្ទួយវប្បធម៌និងផ្លាស់ប្តូររវាងប្រជាជនទៅវិញទៅមក និងជំរុញឲ្យមានការសម្របសម្រួលពហុភាគីជាដើម»។
លោក លី បានអំពាវនាវឲ្យប្រទេសទាំង ២ ត្រូវរក្សាកម្លាំងចលករនៃការផ្លាស់ប្តូរគ្នាក្នុងកម្រិតខ្ពស់៕ Xinhua/SK