.jpg)
ក្រុមសមាជិកសភាតៃវ៉ាន់ បានប៉ះទង្គិចគ្នានៅក្នុងរដ្ឋសភាជុំវិញបញ្ហានៃពង្រាងសេចក្តីព្រាងច្បាប់មួយស្តីអំពីការធ្វើកំណែទម្រង់ប្រព័ន្ធផ្តល់ប្រាក់សោធននិវត្តន៍យោធា កាលពីថ្ងៃទី២០ ខែ មេសា ឆ្នាំ ២០១៨។ AFP
ក្រុងតៃប៉ិ: ក្រុមសមាជិកសភាតៃវ៉ាន់ បានឈ្លោះទាស់ទែងគ្នានៅក្នុងរដ្ឋសភា កាលពីថ្ងៃសុក្រ ជុំវិញបញ្ហានៃសំណើសុំកាត់បន្ថយប្រាក់សោធននិវត្តន៍របស់អតីតយុទ្ធជនយោធាជាផ្នែកមួយនៃការកាត់បន្ថយដ៏ច្រើនលើសលប់ដែលបានបណ្តាលឲ្យមានការប្រឆាំងតវ៉ាដ៏ធំមួយ។
ការប៉ះទង្គិចគ្នាបានកើតឡើងខណៈពង្រាងសេចក្តីព្រាងច្បាប់មួយស្នើឡើងដោយគណៈរដ្ឋមន្ត្រីនាដើមខែនេះ ត្រូវបានលើកយកមកពិភាក្សាគ្នានៅក្នុងរដ្ឋសភាជាលើកដំបូងបន្ទាប់ពីមានការប្រឆាំងតវ៉ាបង្កឡើងដោយក្រុមអតីតយុទ្ធជនយោធាចូលនិវត្តន៍ក្នុងខែកុម្ភៈ។
បាតុកម្មនោះបានបញ្ចប់ប្រកបដោយសោកនាដកម្មខណៈអតីតមេបញ្ជាការឋានៈវរៈសេនីយ៍ឯកម្នាក់បានធ្លាក់ចុះ ខណៈព្យាយាមឡើងជញ្ជាំងមួយនិងក្រោយមកទៀតបានទទួលមរណភាពនៅក្នុងមន្ទីរពេទ្យ។
ក្រុមសមាជិកសភា បាននាំគ្នាស្រែករុញនិងច្រានគ្នានៅក្នុងសភាកាលពីថ្ងៃសុក្រដោយក្រុមសមាជិកសភាមកពីគណបក្សប្រឆាំងគួមីនតាង(KMT)គ្រវីផ្ទាំងបិទប្រកាសដោយធ្វើការទាមឲ្យលោកស្រីប្រធានាធិបតីត្សៃអុីងវិន( Tsai Ing-wen ) ធ្វើការសុំទោសចំពោះក្រុមអតីតយុទ្ធជន។
ពួកគេបានចោលផ្លាកសញ្ញាដែលមានដាក់ពាក្យ«រដ្ឋាភិបាលផ្តាច់ការ»ដោយលោតលើតុនិងឈ្លោះគ្នាជាមួយក្រុមសមាជិកសភាមកពីគណបក្សកំណែទម្រង់និយមប្រជាធិបតេយ្យ(DPP)របស់លោកស្រីត្សៃ។
ក្រុមសមាជិកបក្សKMT ក៏បានស្នើសុំឲ្យសមាជិកសភាបក្ស DPP លោកTuan Yi-kang ធ្វើការសុំទោសចំពោះការហៅអតីតយុទ្ធជនជាន់ខ្ពស់មួយដែលធ្វើការប្រឆាំងតវ៉ាឲ្យមានកំណែទម្រង់ជាមនុស្ស«លោភលន់មិនចេះស្កប់ស្កល់»។
ប្រជារិះគន់ជុំវិញបញ្ហានៃការកាត់ប្រាក់សោធននិវត្តន៍នេះ គឺជាឧបសគ្គមួយដ៏ធំចំពោះប្រធានាធិបតីលោកស្រីត្សៃដែលបានធ្លាក់ចុះប្រជាប្រិយភាពចាប់តាំងពីលោកស្រីបានជាប់ឆ្នោតជាប្រធានាធិបតីកាលពី២ឆ្នាំកន្លងទៅ៕AFP/SN
