.jpg)
លោក ម៉ាហាធៀ ម៉ូហាម៉ាដ ថ្លែងសុន្ទរកថានៅក្នុងកិច្ចប្រជុំវេទិកាសេដ្ឋកិច្ច នៅរុស្ស៊ីកាលពីថ្ងៃទី ៥ ខែ កញ្ញា។ AFP
ក្រុងគូឡាឡាំពួ៖ ក្រុមសមាជិកសភាប្រទេស ម៉ាឡេស៊ី បានបោះឆ្នោតលុបចោលច្បាប់ដ៏ចម្រូងចម្រាសមួយកាលពីថ្ងៃពុធ ដែលបានចែងពីការផ្តន្ទាទោសដល់ «អ្នកបង្កើតព័ត៌មានក្លែងក្លាយ» ឲ្យជាប់ពន្ធនាគាររហូតដល់ ៦ ឆ្នាំ ហើយច្បាប់នេះដែលក្រុមអ្នករិះគន់បាននិយាយថា មានបំណងចង់បំបាត់សំឡេងក្រុមអ្នកប្រឆាំង។
ដោយមានរយៈពេលជាប់ពន្ធនាគារយូរនោះ អ្នកដែលផ្សព្វផ្សាយអ្វីដែលអាជ្ញាធរបានចាត់ទុកថាជាព័ត៌មានក្លែងក្លាយនោះ តាមទោសមធ្យម ចាប់ពីការបោះពុម្ពរហូតដល់បណ្តាញព័ត៌មានសង្គម អាចត្រូវបានផាកពិន័យរហូតដល់ ១២ ម៊ឺនដុល្លារ។
នេះ គឺជាការព្យាយាមលើកទី ២ របស់សភាជាន់ទាប ដើម្បីលុបចោលច្បាប់ប្រឆាំងព័ត៌មានក្លែងក្លាយ ក្រោយពីក្រុមសមាជិកសភាបានបោះឆ្នោតលុបចោលច្បាប់នេះ កាលពីឆ្នាំ ២០១៨ ហើយក៏ជារឿងតែ មួយគត់សម្រាប់សភាជាន់ខ្ពស់បានគ្រប់គ្រងដោយបក្សប្រឆាំងដែលត្រូវរាំងខ្ទប់ច្បាប់នោះឲ្យបាន។
ប៉ុន្តែសភាជាន់ខ្ពស់មានលទ្ធភាពរារាំងច្បាប់មួយនេះបានតែម្តងប៉ុណ្ណោះ ដោយមានន័យថា បច្ចុប្បន្នច្បាប់នេះ នឹងត្រូវលុបចោល។
អតីតនាយករដ្ឋមន្ត្រីម៉ាឡេស៊ីលោក ណាជីប រ៉ាហ្សាក់ (កណ្តាល) ទៅដល់តុលាការជាន់ខ្ពស់គូឡាឡាំពួ។ AFP
ម៉ាឡេស៊ីជាប្រទេសមួយក្នុងចំណោមប្រទេសមួយចំនួននៅអាស៊ី ដែលបានបង្កើតច្បាប់ថ្មីបែបនេះ ដែលត្រូវបានជំរុញដោយការតវ៉ារបស់ប្រធានាធិបតីអាមេរិក លោក ដូណាល់ ត្រាំ ប្រឆាំងយ៉ាងខ្លាំងចំពោះ «ព័ត៌មានក្លែងក្លាយ» ប៉ុន្តែក្រុមសកម្មជនបានព្រមានថា របបក្រុមជនផ្តាច់ការនិយមនឹងប្រើប្រាស់ច្បាប់នេះ ដើម្បីបិទសំឡេងប្រឆាំង។
សភាត្រូវបានជំរុញឲ្យអនុម័តច្បាប់នៅក្នុងប្រទេស ម៉ាឡេស៊ី កាលពីឆ្នាំ ២០១៨ ដោយអតីតរបបពោរពេញទៅដោយរឿងអាស្រូវយ៉ាងច្រើន នៅក្នុងការបោះឆ្នោតសកល ដែលមានការប្រកួតប្រជែងយ៉ាងក្តៅគគុកមួយ ដោយបានបង្កឲ្យមានការផ្ទុះកំហឹងយ៉ាងខ្លាំងក្លានៅគ្រានោះ។
ក្រុមអ្នកនយោបាយបក្សប្រឆាំងបានថ្លែងថា ខ្លួនគឺជាឧបករណ៍ប្រើប្រាស់មួយ ត្រូវបានគេបំបាត់សំឡេងមិនឲ្យធ្វើការរិះគន់ទៅលើរដ្ឋាភិបាលសម័យនោះ និងមេដឹកនាំរដ្ឋាភិបាល លោក ណាជីប រ៉ាហ្សាក់ ជាពិសេសជុំវិញរឿងអាស្រូវអំពើពុករលួយលួចប្រាក់មូលនិធិ 1MDB របស់ជាតិយ៉ាងច្រើនសន្ធឹកសន្ធាប់នោះ។
លោក ឆាលឡេស សាន់ធៀហ្គោ សមាជិកសភាម៉ាឡេស៊ី ថ្លែងសុន្ទរកថានៅក្នុងរដ្ឋសភា ក្រុងគូឡាឡាំពួ។ AFP
ទោះបីជាយ៉ាងណាក៏ដោយក៏ ណាជីប រ៉ាហ្សាក់ និងក្រុមចម្រុះគ្រប់គ្រងអំណាចយ៉ាងយូររបស់លោក មិនត្រូវបានគេរំពឹងថា នឹងចាញ់ការបោះឆ្នោតកាលពីឆ្នាំ ២០១៨ ជាប្រវត្តិសាស្ត្រ ដែលនាំឲ្យឈានទៅរកការកាន់អំណាចសម្ព័ន្ធមិត្តកំណែទម្រង់មួយ ដែលពួកគេបានប្តេជ្ញាចិត្តនិរាករណ៍ច្បាប់នោះ។
លោក Charles Santiago ជាសមាជិកសភានៃគណបក្សចម្រុះដែលកំពុងគ្រប់គ្រងអំណាចបានស្វាគមន៍ចំពោះវិធានការកាលពីថ្ងៃពុធដែលបានធ្វើឡើង ក្រោយពីការជជែកដេញដោលយ៉ាងល្អិតល្អន់នៅក្នុងសភារយៈពេល ២ ថ្ងៃកន្លងទៅនេះ៕ AFP/SK
