The Phnom Penh Post Search

Search form

សមាជិកសភា​អ៊ីរ៉ាក់ ​បោះ​ឆ្នោត​ប្រឆាំង​ការស្ទង់​ប្រជាមតិ​ ដើម្បី​បំបែក​រដ្ឋ​របស់​ក្រុម​ឧទ្ទាម​ឃើដ

Content image - Phnom Penh Post
លោក Najim Al-Din Karim អភិបាល​ខេត្ត Kirkuk (ស្តាំ) ថ្លែង​អំឡុង​កិច្ច​ប្រជុំ​មួយ​ក្រោម​អធិបតី​ភាព​ប្រធានាធិបតី Massud Barzani (ស្តាំទី ២)។ AFP

សមាជិកសភា​អ៊ីរ៉ាក់ ​បោះ​ឆ្នោត​ប្រឆាំង​ការស្ទង់​ប្រជាមតិ​ ដើម្បី​បំបែក​រដ្ឋ​របស់​ក្រុម​ឧទ្ទាម​ឃើដ

ក្រុងបាកដាដ: សភា​អ៊ីរ៉ាក់​កាល​ពី​ថ្ងៃ​អង្គារ បាន​បោះឆ្នោត​ប្រឆាំង​គម្រោង​របស់​ក្រុម​មេដឹកនាំ​ឧទ្ទាម​ឃើ​ដ ដើម្បី​ស្ទង់​ប្រជាមតិ​ក្នុង​គោល​បំណង​បំបែក​រដ្ឋ​រយៈពេល ២ សប្តាហ៍​មុន​ពេល​ធ្វើការ​បោះឆ្នោត​ស្ទាបស្ទង់​ប្រជាមតិ​នោះ ដែល​បណ្តាល​ឲ្យ​មាន​ការ​រិះគន់​នៅ​ក្នុង​តំបន់​ចំពោះការ​បោះឆ្នោត​ស្ទាបស្ទង់​ប្រជាមតិ​នោះ។

ការបោះឆ្នោត​ស្ទាបស្ទង់​ក្រៅ​ផ្លូវការ ដែល​ត្រូវ​បាន​គ្រោង​ធ្វើ​នៅ​ថ្ងៃទី ២៥ ខែ​កញ្ញា បាន​ប្រឈម​ការប្រឆាំង​ជំទាស់​យ៉ាង​ខ្លាំង​ពី​អ៊ីរ៉ង់ និង​តួកគី​នៅ​ក្បែរ​ខាង​ដែល មាន​ក្តីបារម្ភ​ថា វា​អាច​ជាការ​បំផុស​ឲ្យ​មាន​គំនិត​ប៉ុនប៉ង​បំបែក​រដ្ឋ​នៅ​ក្នុង​ចំណោម​ក្រុម​ជនជាតិ​ភាគតិច​ឃើដ​ដ៏ធំ​មួយ​នៅ​ក្នុង​ប្រទេស​របស់​ពួកគេ។

ក្រុម​អ្នក​រិះគន់​ការបោះឆ្នោត​រួមទាំង​អាមេរិក និង​សហភាព​អឺរ៉ុប​ព្រមទាំង​ក្រុម​សមាជិក​មួយ​ចំនួន​នៃ​ក្រុម​ពលរដ្ឋ​ឃើដ​នៅ​អ៊ីរ៉ាក់ ៥,៥ លាននាក់​ថា ទង្វើ​នេះ​អាច​ជាការ​បង្វែរ​ទិសដៅ​ពីការ​ប្រយុទ្ធ​ប្រឆាំង​ក្រុម​ជីហាដ។

កងកម្លាំង​ជាតិនិយម​ឃើដ និង​អ៊ីរ៉ាក់ បាន​ដើរតួ​យ៉ាង​សំខាន់​ក្នុងការ​វាយ​ប្រយុទ្ធ​ប្រឆាំង​ក្រុម​រដ្ឋ​អ៊ិស្លាម (IS ដែល​ច្បាំង​យក​ដែនដី​ជាច្រើន​ក្នុង​ប្រទេស​នេះ​ក្នុង​ឆ្នាំ ២០១៤ ហើយ​ការប្រយុទ្ធ​នោះ​បាន​ទទួល​ផ្លែផ្កា​ក្នុង​រយៈពេល ប៉ុន្មាន​ខែ​ថ្មីៗ​នេះ។

ការបោះឆ្នោត​ស្ទាបស្ទង់​ប្រជាមតិ ដែល​បាន​បណ្តាល​ឲ្យមាន​ការ​ជំទាស់​ពី​ក្រុម​សមាជិក​សភា​ឃើដ​ត្រូវបាន​ធ្វើ​ឡើង ខណៈ​សភា​ឃើដ​ថា ខ្លួន​នឹង​ជួប​ប្រជុំ​ជា​លើក​ដំបូង​នៅ​ថ្ងៃ​ព្រហស្បតិ៍ នៅ​ក្នុង​រយៈពេល ២ ឆ្នាំ ដើម្បី ធ្វើការ​បោះឆ្នោត​ស្ទាបស្ទង់​ប្រជាមតិ​នោះ។

រដ្ឋសភា​អ៊ីរ៉ាក់ បាន​ថ្លែង​ថា ការ​បោះឆ្នោត​នោះ តម្រូវ​ឲ្យ​រដ្ឋាភិបាល​អ៊ីរ៉ាក់ «ចាត់​គ្រប់​វិធានការ​ដើម្បី​ការពារ​ការបង្រួប​បង្រួម​ជាតិ​អ៊ីរ៉ាក់ និង​បើក​ការសន្ទនា​ដ៏​ហ្មត់ចត់​មួយ «ជាមួយ​ក្រុម​ថ្នាក់​ដឹកនាំ​ឃើដ​នៅ​អ៊ីរ៉ាក់»។

មេដឹកនាំ​ឃើដ​នៅ​អ៊ីរ៉ាក់​លោក Massud Barzani ដែល​កំពុង​រៀបចំ​ការ​បោះឆ្នោត​ស្ទាបស្ទង់​ប្រជាមតិ បាន​លើក​ឡើង​ពី​ក្រុង Kirkuk ដែល​មាន​ជម្លោះ​ថា ការ​បោះឆ្នោត​ស្ទង់​ប្រជាមតិ​នោះ នឹងត្រូវ​ប្រារព្ធ​ឡើង​ពីព្រោះ «គ្រប់​កិច្ច​ខិតខំ​ទាំងអស់» ដើម្បី​ធានា​បាន​នូវការ​គោរព​សិទ្ធិ​ក្រុម​ឧទ្ទាម​ឃើដ​បាន​បរាជ័យ។

ការស្ទង់​ប្រជាមតិ​នោះ អាច​ទៅរក​ការ​បំបែក​រដ្ឋ​ឃើដ​នៅ​អ៊ីរ៉ាក់​ជា​តំបន់​សម្បូរ​ប្រេង​នៅ​ក្នុង​តំបន់​ភ្នំ​រម៉ាំង​រម៉ោក​ភាគ​ខាងជើង​នៅ​ក្នុង​ប្រទេស​នេះ ដែល​បាន​ទទួល​ស្វយ័តភាព​ពិតប្រាកដ​នៅ​ក្នុង ឆ្នាំ ១៩៩១៕

Content image - Phnom Penh Post
ក្រុម​ឃើដ​អ៊ីរ៉ាក់​គ្រវី​ទង់​ជាតិ​និង​កាន់​ភ្លើង​ទ្រោល​បំភ្លឺ​គាំទ្រ​ការ​បំបែក​រដ្ឋ។ AFP

អត្ថបទគួរចាប់អារម្មណ៍

  • វីសិនហ្វាន់ លក់​ហ៊ុន ១០០ ភាគរយ​ទៅឲ្យ​ធនាគារ​កូរ៉េ​ខាង​ត្បូង

    ភ្នំពេញៈ គ្រឹះ​ស្ថាន​មីក្រូ​ហិរញ្ញវត្ថុ​វិសិន​ហ្វាន់​ (ខេមបូឌា) ត្រូវ​​បានក្រុម​ហ៊ុន​មេ​របស់​ខ្លួន​​សម្រេច​លក់​ភាគ​ហ៊ុន​​​ទាំង​ស្រុង​ទៅ​ឲ្យ​ធ​នា​គារ​ អ៊ូ​រី​ ដែល​មាន​មូល​ដ្ឋាន​នៅ​​ប្រទេស​កូរ៉េខាង​ត្បូង​​​ ក្នុងតម្លៃ​​មួយ​ដែល​មិនត្រូវ​បាន​បង្ហាញ​​ជា​សាធារណៈ។

  • រដ្ឋាភិបាល​ថា ​នឹង​ខាតបង់​ចំណូល​ពន្ធ $៣០ ​លាន

    ភ្នំពេញៈ រដ្ឋាភិបាល​កម្ពុជា​បាន​ប្រកាស​ដាក់​វិធានការ​ដើម្បី​ជួយ​ទប់ស្កាត់​ការកើនឡើង​តម្លៃ​ប្រេងសាំង ខណៈ​វិធានការ​នេះ​ត្រូវ​បាន​លោក​នាយក​រដ្ឋមន្ត្រី​អះអាង​ថា​នឹង​ធ្វើឲ្យ​រដ្ឋ​ខាតបង់​ចំណូល​ពន្ធ​ប្រមាណ​ ៣០ ​លាន​ដុល្លារ​ក្នុង​ ១ ​ឆ្នាំ​។

  • អង្គការ​នៅ​កូរ៉េ​ខាង​ត្បូង ​ផ្តល់​ពានរង្វាន់​សិទ្ធិមនុស្ស​ដល់​លោក កឹម សុខា

    ភ្នំពេញៈ លោក កឹម សុខា អតីត​ប្រធាន​គណបក្ស​សង្គ្រោះជាតិ​ដែល​កំពុង​ជាប់​ពន្ធនាគារ​ត្រពាំងផ្លុង ក្រោម​ការ​ចោទប្រកាន់​ដ៏ចម្រូងចម្រាស​ពី​បទ​ «​ក្បត់ជាតិ​» ត្រូវ​បាន​អង្គការ​សង្គម​ស៊ីវិល​គាំទ្រ​ផ្នែក​សិទ្ធិមនុស្ស

  • អគ្គិភ័យ​ឆេះ​ផ្ទះ​អស់​ ២០ ​ខ្នង​រីឯ ម្ចាស់​ផ្ទះ​បង្ក​ត្រូវ​​បាន​ហៅ​មក​សួរ

    ភ្នំពេញៈ ផ្ទះ​ឈើ​ប្រក់​ស័ង្កសី​ចំនួន​ ២០ ​ខ្នង​ដែល​មាន​មនុស្ស​រស់នៅ​ប្រមាណ​​ ៣៥ ​គ្រួសារ​ត្រូវ​បាន​អគ្គិភ័យ​ឆេះ​ខ្ទេច​កាលពី​ម៉ោង ៥ ព្រឹក​ម្សិលមិញ​នៅ​សង្កាត់​បឹងទំពុន​ ២ ខណ្ឌ​មានជ័យ រាជធានី​ភ្នំពេញ​តែ​គ្មាន​មនុស្ស​គ្រោះថ្នាក់​ទេ​ឯ​មូលហេតុ​សមត្ថកិច្ច​កំពុង​ស្រាវជ្រាវ​ដោយ​ហៅ​ម្ចាស់​ផ្ទះ​បង្ក​មក​សួរ ខណៈ​អ្នក​ជិត​ខាង​មិន​សុខ​ចិត្ត​នឹង​ម្ចាស់​ផ្ទះ​ដើមហេតុ​។