.jpg)
ស្នងការសុខភាពនៃប្លុកសហភាពអឺរ៉ុបអ្នកស្រី Stella Kyriakides បានឱ្យដឹងកាលពីថ្ងៃអាទិត្យថា សហគមន៍អឺរ៉ុបនឹងពន្លឿនការអនុម័តវ៉ាក់សាំងប្រឆាំងនឹងវីរុសបំប្លែងថ្មី។
អ្នកស្រីបានឱ្យដឹងថា៖ «ឥឡូវនេះយើងបានសម្រេចថា វ៉ាក់សាំងនេះត្រូវបានគេទើបតែធ្វើឱ្យប្រសើរឡើងថ្មី ដោយផ្អែកលើវ៉ាក់សាំងមុនៗ ដើម្បីប្រឆាំងនឹងវីរុសកូវីដបំប្លែងថ្មី មិនចាំបាច់ឆ្លងកាត់ដំណើរការអនុម័តទាំងមូលទៀតទេ។ ដូច្នេះ ដំណើរការនឹងលឿនជាងមុនដើម្បីធ្វើយ៉ាងណាឱ្យមានវ៉ាក់សាំងសមស្រប ដែលអាចប្រើបានដោយមិនធ្វើឱ្យប៉ះពាល់ដល់សុវត្ថិភាពប្រជាជន»។
អ្នកស្រីបានបន្តទៀតថា៖ «ខណៈដែលការចាក់វ៉ាក់សាំងក្នុងត្រីមាសទី១ ឆ្នាំ ២០២១ បានចាប់ផ្តើមសន្សឹមៗ នៅត្រីមាសទី២ នឹងមានការកើនឡើងជាងនៅត្រីមាសទី១ ហើយនៅចុងខែកញ្ញានេះ សហភាពអឺរ៉ុបរំពឹងថា នឹងទទួលបានវ៉ាក់សាំងនេះគ្រប់គ្រាន់ពីអ្នកផលិត ដើម្បីចាក់ឱ្យប្រជាជនជាង ៧០% នៃប្លុករបស់ខ្លួន»៕
