កាលពីថ្ងៃចន្ទ ទី ២៩ មីនា មន្ត្រីសហភាពអឺរ៉ុបបានប្រាប់រដ្ឋាភិបាលតួកគីថា តួកគីត្រូវតែទទួលយកជនចំណាកស្រុកពីប្រទេសក្រិក ដែលកំពុងឃុំខ្លួននៅតាមជំរុំនានា។
ស្នងការកិច្ចការផ្ទៃក្នុងសហភាពអឺរ៉ុប លោក Ylva Johansson បាននិយាយថា៖ “ខ្ញុំសូមអំពាវនាវឱ្យប្រទេសតួកគី បន្តទទួលយកអ្នកដែលចំណាកស្រុកពីប្រទេសក្រិក”។ រដ្ឋមន្រ្តីក្រសួងចំណាកស្រុកក្រិក លោកស្រី NotisMitarachi បានបន្ទរតាមការអំពាវនាវរបស់លោក Johansson ដោយជំរុញឱ្យទីក្រុងអង់ការ៉ា ទទួលយកជនចំណាកស្រុកចំនួន ១ ៤៥០ នាក់ ដែលការសុំសិទ្ធិជ្រកកោនត្រូវបានបដិសេធ។
សហភាពអឺរ៉ុបបានចុះកិច្ចព្រមព្រៀងមួយជាមួយទីក្រុងអង់ការ៉ា ក្នុងឆ្នាំ ២០១៦ ដែលខ្លួននឹងទទួលយកអ្នកស្វែងរកសិទ្ធិជ្រកកោនពីកោះក្រិក។ ប៉ុន្តែភាពតានតឹងបានកើតឡើងរវាងសមាជិកសហភាពអឺរ៉ុប ប្រទេសក្រិក និងប្រទេសស៊ីប (Cyprus) ជុំវិញជម្លោះដែនសមុទ្រជាមួយប្រទេសតួកគី។