.jpg)
រដ្ឋមន្ត្រីការបរទេសអាល្លឺម៉ង់ Heiko Maas ថ្លែងទៅកាន់សារព័ត៌មាន ខណៈលោកមកដល់ ដើម្បីចូលរួមជំនួបនៃក្រុមរដ្ឋមន្ត្រីការបរទេសEUនៅទីក្រុងប្រ៊ុចសែល។ AFP
សហភាពអឺរ៉ុបគ្រោងដាក់ទណ្ឌកម្មទៅលើប្រទេសមីយ៉ាន់ម៉ា ខណៈដែលការតវ៉ានៅតែបន្តកើតមានឡើងក្នុងប្រទេស។
រដ្ឋាភិបាលសហភាពអឺរ៉ុប បានបង្ហាញការគាំទ្រចំពោះក្រុមតវ៉ានឹងការធ្វើរដ្ឋប្រហារថ្ងៃទី ១ ខែកុម្ភៈ និងទាមទារដោះលែងមេដឹកនាំគណបក្សសម្ព័ន្ធជាតិ ដើម្បីប្រជាធិបតេយ្យលោកស្រី Aung San Suu Kyi។
រដ្ឋមន្រ្តីក្រសួងការបរទេសអាល្លឺម៉ង់លោក Heiko Maas បាននិយាយនៅក្នុងទីក្រុងប្រ៊ុចសែលថា ខ្លួននឹងមិនឈរមើលដោយមិនធ្វើអ្វីឡើយ។ លោកបាននិយាយបន្តថា ទណ្ឌកម្មទៅលើប្រទេសមីយ៉ាន់ម៉ា អាចនឹងអនុវត្ត។
សហគមន៍អឺរ៉ុប កំពុងពិចារណាទណ្ឌកម្មដែលអាចនឹងដាក់អនុវត្តទៅលើអាជីវកម្មដែលពាក់ព័ន្ធនឹងយោធា ប៉ុន្តែសហគមន៍នេះបានច្រានចោលរាល់ការអនុវត្តទណ្ឌកម្មទៅលើពាណិជ្ជកម្មដើម្បីចៀសវាងប៉ះពាល់ដល់កម្មករក្រីក្រ៕
