កាលពីថ្ងៃសៅរ៍ ទី ២០ មីនា ប្រធានសហភាពអឺរ៉ុបបានលើកឡើងពីលទ្ធភាពដែលសហភាពអ៊ឺរ៉ុបអាចផ្អាកក្រុមហ៊ុន AstraZeneca ពីការនាំចេញវ៉ាក់សាំងកូវីដ ១៩ ចេញពីប្លុកអ៊ឺរ៉ុប លុះត្រាតែក្រុមហ៊ុនផ្តល់វ៉ាក់សាំងគ្រប់ទៅតាមការគ្រោងទុក។
លោកស្រី Von der Leyen បាននិយាយថា៖ «យើងមានលទ្ធភាពក្នុងការហាមឃាត់ការនាំចេញវ៉ាក់សាំងទៅតាមបណ្តាប្រទេសនៅក្នុងសហភាពអ៊ឺរ៉ុបដែលបានគ្រោងទុក»។
លោកស្រីបាននិយាយថា ក្រុមហ៊ុនបានផ្តល់វ៉ាក់សាំងតែ ៣០ ភាគរយនៃចំនួនសរុបដែលបានគ្រោងក្នុងត្រីមាសទី១ ឆ្នាំ ២០២១។ លោកស្រីក៏បានលើកឡើងពីកិច្ចសន្យាជាមួយក្រុមហ៊ុន AstraZeneca ដែលបានចែងថា សហភាពអឺរ៉ុបនឹងទទួលបានវ៉ាក់សាំងពីរោងចក្រនៅសហភាពអឺរ៉ុប និងអង់គ្លេស។ ទោះយ៉ាងណា សហភាពអ៊ឺរ៉ុបមិនបានទទួលអ្វីពីជនជាតិអង់គ្លេសនោះទេ ខណៈសហភាពអ៊ឺរ៉ុបជាអ្នកផ្តល់វ៉ាក់សាំងទៅកាន់ប្រទេសអង់គ្លេស៕