កាលពីថ្ងៃចន្ទទី ៤ ខែឧសភា សហរដ្ឋអាមេរិក និងអង់គ្លេសបានច្រានចោលរបាយការណ៍របស់អ៊ីរ៉ង់ដោយប្រទេសទាំង ២ បានបដិសេធកិច្ចព្រមព្រៀងដោះដូរអ្នកទោសជាមួយទីក្រុងតេហេរ៉ង់។
នៅក្នុងសន្និសីទសារព័ត៌មានក្រោយកិច្ចប្រជុំរបស់ពួកគេ រដ្ឋលេខាធិការសហរដ្ឋអាមេរិកបាននិយាយថា របាយការណ៍ចេញពីទីក្រុងតេអេរ៉ង់មិនមានភាពត្រឹមត្រូវទេ។
រដ្ឋលេខាធិការសហរដ្ឋអាមេរិកលោក Antony Blinken បាននិយាយថា៖ «និយាយឱ្យចំទៅលើបញ្ហានេះ យើងត្រូវតែប្រកាន់ជំហរប្រឆាំងនឹងការឃុំឃាំងពលរដ្ឋដោយខុសច្បាប់សម្រាប់គោលបំណងនយោបាយ។ នេះបើតាមការស្រង់សម្តីរបស់លោកនៅក្នងសារព័ត៌មាន CNA ។
សារព័ត៌មានរដ្ឋអ៊ីរ៉ង់បានដកស្រង់សម្តីមន្ត្រីម្នាក់ថា អាមេរិកបានយល់ព្រមបង់ប្រាក់ចំនួន ៧ ពាន់លានដុល្លារ និងប្តូរជនជាតិអ៊ីរ៉ង់ចំនួន ៤ នាក់ទៅនឹងចារបុរសអាមេរិកចំនួន ៤ នាក់ដែលកំពុងជាប់ពន្ធនាគារ។
ចំណែករដ្ឋមន្ត្រីក្រសួងការបរទេសអង់គ្លេសលោក Dominic RaabRaab ក៏បានច្រានចោលនូវទស្សនវិស័យនៃរបាយការណ៍ប្រទេសអ៊ីរ៉ង់ដែលថា ចក្រភពអង់គ្លេសនឹងបង់ប្រាក់បំណុលចំនួន ៥៥០ លានដុល្លារអាមេរិក ដើម្បីធានាដល់ការដោះលែងលោក Zaghari-Ratcliffe ។ លោកបានទទូចថា រដ្ឋាភិបាលអង់គ្លេសកំពុងធ្វើការយ៉ាងយកចិត្តទុកដាក់បំផុតលើការដោះលែងពលរដ្ឋអង់គ្លេសដែលត្រូវបានឃុំខ្លួននៅក្នុងប្រទេសអ៊ីរ៉ង់៕