.jpg)
កាលពីថ្ងៃចន្ទ ទី ១៩ មេសានេះ រដ្ឋមន្ត្រីក្រសួងការបរទេសអាមេរិកលោក Antony Blinken បាននិយាយថា សហរដ្ឋអាមេរិកនឹងដាក់សម្ពាធដល់ប្រជាជាតិទាំងអស់ ដើម្បីកាត់បន្ថយការពឹងផ្អែកលើការប្រើប្រាស់ធ្យូងថ្ម។
ការផ្លាស់ប្តូរអាកាសធាតុ ជាបញ្ហាសន្តិសុខជាតិ លោក Blinken បានព្រមានពីផលប៉ះពាល់មួយចំនួន ដែលអាចកើតមានឡើងនៅជុំវិញភពផែនដី និងហានិភ័យដល់សហរដ្ឋអាមេរិក ប្រសិនបើខ្លួនមិនបង្កើនការខិតខំរបស់ខ្លួនទេនោះ។
លោក Blinken បានថ្លែងនៅក្នុងសុន្ទរកថានៅទីក្រុង Annapolis រដ្ឋ Maryland ថា វាពិបាកក្នុងការស្រមៃយកឈ្នះការប្រកួតប្រជែងយុទ្ធសាស្ត្រ រយៈពេលវែងជាមួយប្រទេសចិន ប្រសិនបើអាមេរិកមិនអាចដឹកនាំបដិវត្តន៍ថាមពលឡើងវិញបានទេនោះ។
ធ្យូងថ្ម ក៏ជាបញ្ហារសើបមួយដែរ នៅសហរដ្ឋអាមេរិក នៅពេលដែលអតីតប្រធានាធិបតីអាមេរិក លោក Donald Trump បានចាកចេញពីកិច្ចព្រមព្រៀងបម្រែបម្រួលអាកាសធាតុទីក្រុងប៉ារីស៕
