The Phnom Penh Post Search

Search form




Logo of Phnom Penh Post newspaper Phnom Penh Post - សាកសព​៦២​នាក់​ត្រូវ​បាន​គេ​រក​ឃើញ​នៅ​ក្រុង​បានៀស​របស់​ស៊ីរី​

សាកសព​៦២​នាក់​ត្រូវ​បាន​គេ​រក​ឃើញ​នៅ​ក្រុង​បានៀស​របស់​ស៊ីរី​

សាកសព​៦២​នាក់​ត្រូវ​បាន​គេ​រក​ឃើញ​នៅ​ក្រុង​បានៀស​របស់​ស៊ីរី​

ក្រុងបៃរូតៈ ក្រុម​ឃ្លាំមើល​សិទ្ធិ​មនុស្ស​ស៊ីរី​កាលពី​ថ្ងៃ​សៅរ៍​បាន​និយាយ​ថា សាកសព​អ្នក​ស្រុក​យ៉ាង​តិច​៦២​នាក់​ត្រូវ​បាន​គេ​រក​ឃើញ​ក្នុង​សង្កាត់​និកាយ​ស៊ុននី​ក្នុង​ក្រុង​បានៀស ប្រទេស​ស៊ីរី​។

ឧបទ្ទវហេតុ​ថ្មី​បំផុត​នេះ​ត្រូវ​បាន​សម្ព័ន្ធភាព​ជាតិស៊ីរី​ប្រឆាំង ថ្កោលទោស​ដែល​បាន​និយាយ​ថា​របាយការណ៍​នៃ​ការ​សម្លាប់​រង្គាល​នៅក្នុង​តំបន់​នេះ បាន​បង្កើន​ស្រមោល​នៃ​យុទ្ធនាការ​បោស​សម្អាត​ជនជាតិ​ភាគតិច​។

ក្រុម​ឃ្លាំ​មើល​នេះ បាន​និយាយ​ថា​៖​«​សាកសព​ពលរដ្ឋ​រាប់សិប​នាក់ ដែល​ត្រូវ​បាន​សម្លាប់​កាលពី​ថ្ងៃ​សុក្រ​ក្នុង​អំឡុង​ពេល​វាយប្រហារ​របស់​កងទ័ព និង​សមាជិក​អម្បូរ អាឡាវីត​របស់​កម្លាំង​ការពារ​ជាតិ​នៅ​សង្កាត់​និកាយ​ស៊ុននី​ក្នុង​ក្រុង​បានៀស​ត្រូវ​បាន​គេ​រក​ឃើញ​កាលពី​ថ្ងៃ​សៅរ៍​។

ក្រុម​ឃ្លាំ​មើល​បាន​បញ្ជាក់​ថា​៖​«​យើង​ស្គាល់​អត្តសញ្ញាណ​ពលរដ្ឋ​ទាំង​៦២​នាក់ តាមរយៈ​ឈ្មោះ រូប ថត ឬ​ក៏​វីដេអូ​ក្នុង​នោះ​មាន​កុមារ​១៤​នាក់​ហើយ​ចំនួន​នេះ​អាច​កើនឡើង ពីព្រោះ​មាន​ពលរដ្ឋ​ជាច្រើន​នាក់​ទៀត​នៅ​បាត់​ខ្លួន​»​។

ការ​សម្លាប់​ជា​ទ្រង់ទ្រាយ​ធំ​នេះ គឺជា​ការ​សម្លាប់​រង្គាល​លើក​ទី​ពីរ​ដែល​ត្រូវ​បាន​គេ​រាយការណ៍​ក្នុង​តំបន់​បានៀស​ក្នុង​សប្តាហ៍​នេះ​។

កាលពី​ថ្ងៃ​ព្រហស្បតិ៍​ក្រុម​ឃ្លាំ​មើល​នេះ​បាន​និយាយ​ថា​យ៉ាង​ហោច​ណាស់​មនុស្ស​៥០​នាក់​ត្រូវ​បាន​គេ​សម្លាប់​នៅ​ភូមិ​បាយដា​នៃ សង្កាត់​និកាយ​ស៊ុននី នៅ​ខាងត្បូង​ក្រុង​ឆ្នេរ​សមុទ្រ​នេះ។

ក្រុម​នេះ​បាន​និយាយ​ថា៖​«ក្រុម​សាក្សី​មកពី​ភូមិ​នោះ បាន​និយាយ​ថា ជនស៊ីវិល​មិន​តិច​ជាង​៥០​នាក់​ត្រូវ​បាន​សម្លាប់​ក្នុង​នោះ​មាន​ទាំង​ស្ត្រី​និង​កុមារ​ផង​ដែរ​។ អ្នក​ខ្លះ​ត្រូវ​គេ​ប្រហារ​ជីវិត​ភ្លាម​ៗ ខ្លះ​ត្រូវ​គេ​បាញ់​សម្លាប់ ខ្លះ​ត្រូវ​គេ​ចាក់ ឬ​ខ្លះ​ត្រូវ​គេ​ដុត​សម្លាប់​»​។

បន្ទាប់ពី​ការ​សម្លាប់​ដែល​ត្រូវ​គេ​រាយការណ៍​កាលពី​ថ្ងៃ​សុក្រ កម្លាំង​របស់​របប​នេះ បាន​ចាប់​ផ្តើម​ផ្លោង​ដាក់​សង្កាត់​និកាយ​ស៊ុននី​ជាច្រើន ក្នុង​ក្រុង​បានៀស​បណ្តាល​ឲ្យ​ក្រុម​អ្នក​ស្រុក​ជម្លៀស​ខ្លួន​ចេញ​ពី​តំបន់​នោះ​កាល​ពី​ព្រឹក​ថ្ងៃ​សៅរ៍​។

ប្រមុខ​ក្រុម​ឃ្លាំ​មើល​សិទ្ធិ​មនុស្ស​លោក​រ៉ាមី អាប់ដេល រ៉ាម៉ាន បាន​ប្រាប់​ថា​៖​«​រាប់រយ​គ្រួសារ​កំពុង​ជម្លៀស​ចេញ​ពី​សង្កាត់​និកាយ​ស៊ុននី​ក្នុង​ក្រុង​បានៀស​ដោយ​ខ្លាច​ការ​សម្លាប់​រង្គាល​ជា​ថ្មី»​៕ CC​

អត្ថបទគួរចាប់អារម្មណ៍