.jpg)
លោកនាយករដ្ឋមន្ត្រីឆែក Andrej Babis (កណ្តាល) និងក្រុមមន្ត្រីរបស់លោកនៅក្នុងអំឡុងជំនួបនៅក្នុងសភា។ AFP
ក្រុងប្រាកៈ សាធារណរដ្ឋឆែក បាននិយាយនៅថ្ងៃពុធនេះថា ខ្លួននឹងទាត់ចោលកិច្ចព្រមព្រៀងចំណាកស្រុករបស់អង្គការសហប្រជាជាតិ ដែលត្រូវបានគ្រោងអនុម័តនៅក្នុងខែធ្នូ បន្ទាប់ពីមានវិធានការស្រដៀងគ្នារបស់ហុងគ្រី និងអូទ្រីស។
លោកឧបនាយករដ្ឋមន្ត្រី Richard Brabec បានថ្លែងប្រាប់ក្រុមកាសែតថា រដ្ឋាភិបាលនេះ ចង់ឲ្យកិច្ចព្រមព្រៀងនេះ ត្រូវបានបញ្ចូលវិធានការទប់ស្កាត់ការធ្វើចំណាកស្រុកខុសច្បាប់។
លោកBrabec ជាសមាជិកម្នាក់របស់ចលនា ANOរបស់លោកនាយករដ្ឋមន្ត្រី Andrej Babis បានថ្លែងថា៖«អត្ថបទចុងក្រោយ នឹងមិនបង្ហាញសំណើជាមូលដ្ឋានសម្រាប់ការកែប្រែដែលសាធារណរដ្ឋឆែក បានបង្ហាញនោះទេ ដូច្នេះរដ្ឋាភិបាល បានសម្រេចមិនចូលរួមជាមួយកិច្ចព្រមព្រៀងនោះទេ»។
លោកBabis បានថ្លែងថា លោក មិនចូលចិត្តកិច្ចព្រមព្រៀង ដែលមិនត្រូវបានបកស្រាយច្បាស់លាស់នេះទេ និងអាចត្រូវបានគេរំលោភបំពាន៕PSA
