.jpg)
ម៉ាស់ក្លាយជាឧបករណ៍សំខាន់មួយ ក្រៅពីមួកនៅពេលជិះតាមផ្លូវ។ BKP
ក្រុងបាងកក៖ រដ្ឋបាលប៉ូលិសក្រុងបាងកក (BMA) កាលពីថ្ងៃពុធបានសម្រេចចិត្តបើកសាលារៀនចំនួន ៤៣៧ កន្លែង កាលពីថ្ងៃព្រហស្បតិ៍ ក្រោយពីគុណភាពខ្យល់អាកាសនៅក្នុងក្រុងនេះ មានភាពល្អប្រសើរឡើងវិញ។
លោកអនុសេនីយ៍ឯក ពុងសាគន ក្វាន់មួង ជាអ្នកនាំពាក្យ BMA បានថ្លែងថា សាលារៀនចំនួន ៤៣៧ កន្លែងនៅក្នុងក្រុងនេះ ត្រូវបានបញ្ជាឲ្យបិទ ១ ថ្ងៃកាលពីថ្ងៃពុធ បានបើកឡើងវិញ។
លោកអនុសេនីយ៍ ពុងសាគន ថ្លែងថា៖ «គុណភាពខ្យល់អាកាសនៅក្នុងក្រុងបាងកកបានល្អប្រសើរឡើងនៅកម្រិតមួយដែលយើងបញ្ជាឲ្យសាលារៀនទាំងអស់នោះ បើកឡើងវិញ។ មានតំបន់ចំនួន ១២ ប៉ុណ្ណោះបង្ហាញថា បញ្ហាបំបែកជាធាតុខ្យល់អាកាសតូចៗមានកម្រិតខ្ពស់ ហើយយើងសង្ឃឹមថា ស្ថានភាពនេះនឹងល្អប្រសើរឡើង ចាប់ពីថ្ងៃព្រហស្បតិ៍ទៅ ដោយសារអាកាសធាតុ និងខ្យល់នឹងជួយបក់បោកផាត់ធូលីនោះទៅបាត់អស់។
ទោះបីជាយ៉ាងណាក៏ដោយ ក៏ BMAនឹងផ្តល់ខ្យល់អាកាសបរិសុទ្ធដល់សាលារៀនដែលស្ថិតនៅក្នុងតំបន់ជាច្រើន ដែលមានបញ្ហាបំបែកជាធាតុខ្យល់អាកាសតូចៗមានកម្រិតខ្ពស់។
BMA ក៏ធ្វើការកែប្រែម៉ោងការងាររបស់មន្ត្រីពីម៉ោង ១០ ព្រឹក ទៅម៉ោង ៦ ល្ងាច ពីម៉ោង ៨ និង ៣០ នាទីព្រឹក ទៅដល់ម៉ោង ៤ និង ៣០ នាទីរសៀល ជាកិច្ចប្រឹងប្រែងដើម្បីកាត់បន្ថយស្ទះចរាចរណ៍ដែលជា ឫសគល់នៃការបំពុលបរិយាកាស។
លោកឧបនាយករដ្ឋមន្ត្រី ប្រាវីត វង់ស៊ូវ៉ាន់ កាលពីថ្ងៃព្រហស្បតិ៍ បានធ្វើជាអធិបតីជំនួបបន្ទាន់អំពីបញ្ហានេះ៕ BKP
