ក្រុងញូវយ៉កៈ សមាជិកនៃក្រុមឧក្រិដ្ឋជនម៉ិកស៊ិក Joaquin "El Chapo" Guzman កាលពីថ្ងៃអង្គារត្រូវបានរកឃើញទោសកំហុសដោយក្រុមប្រឹក្សាតុលាការនៃឧក្រិដ្ឋកម្មដែលបានតាមដានជិត ១៥ ឆ្នាំហើយជាមេដឹកនាំនៃក្រុមមួយក្នុងចំណោមក្រុមអ្នកជួញដូរគ្រឿងញៀនដ៏មានឥទ្ធិពលបំផុតនៅក្នុងពិភពលោក។
អតីតមេក្រុមជួញដូរគ្រឿងញៀន Sinaloa មានវ័យ ៦១ ឆ្នាំដែលល្បីដោយសាររត់ចេញពីគុកបានប្រឈមនឹងលទ្ធភាពជាប់គុកមួយជីវិតក្រោយពីត្រូវបានផ្តន្ទាទោសពីបទរត់ពន្ធកាកូអ៊ីនជាច្រើនតោន មេតំហ្វេតាមីន និងកញ្ឆាចូលទៅទឹកដីអាមេរិក។
លោកក៏ត្រូវបានគេរកឃើញថាមានទោសពីបទលាងលុយ និងកាន់កាប់អាវុធខុសច្បាប់។
ក្នុងការកាត់ទោសមួយរយៈពេល ៣ ខែដែលបានលាតត្រដាងពីជីវិតពិតរបស់ Guzman និងអតីតស្រីសេ្នហ៍ត្រូវយកមកធ្វើជាសាក្សីនៅក្រោមក្រសែភ្នែករបស់មេកន្ទ្រាញគ្រឿងញៀននេះ។ ប្រពន្ធក្មេងរបស់លោក អតីតបវរកញ្ញាសម្រស់នាង Emma Coronel ក៏ធ្លាប់បានចូលក្នុងបន្ទប់កាត់ក្តីដែរ។
នៅពេលទាញហេតុផលបញ្ចប់សំណុំរឿងនេះកាលពីខែមុននេះមេធាវីរបស់ Guzman លោក Jeffrey Lichtman បានស្នើឲ្យក្រុមប្រឹក្សាតុលាការកុំផ្តន្ទាទោសដោយពឹងផ្អែកលើការផ្តល់ភ័ស្តុតាងដោយសាក្សីរដ្ឋាភិបាល។
លោក Lichtman បានអះអាងថាលោក Guzman គឺជាអ្នកទទួលរងថ្មបាក់ និងថា ពិរុទ្ធជនពិតនៅក្នុងកិច្ចប្រតិបត្តិការជួញដូរគ្រឿងញៀននោះ គឺ Ismael El Mayo" Zambada ជាសហស្ថាបនិកក្រុមហ៊ុនអន្តរជាតិ Sinaloa។
លោក Lichtman បានថ្លែងថា៖ «Mayo គឺជាអ្នកជួញដូរគ្រឿងញៀនធំបំផុតជាច្រើនទសវត្សរ៍មកហើយនៅក្នុងម៉ិកស៊ិក។ លោកមិនធ្លាប់ត្រូវបានគេចាប់ខ្លួននោះទេ និងមានលុយរាប់រយលានដុល្លារដើម្បីចាយវាយ៕ PSA