The Phnom Penh Post Search

Search form




Logo of Phnom Penh Post newspaper Phnom Penh Post - ស៊ី​ ជីនភីង ​និង​​​ ម៉ូឌី នឹង​រៀបចំ​ជំនួប​កំពូល​នៅ​សប្តាហ៍​នេះ​ ចំ​ពេល​តាន​តឹង​កើន​ឡើង

ស៊ី​ ជីនភីង ​និង​​​ ម៉ូឌី នឹង​រៀបចំ​ជំនួប​កំពូល​នៅ​សប្តាហ៍​នេះ​ ចំ​ពេល​តាន​តឹង​កើន​ឡើង

Content image - Phnom Penh Post
លោក​ ស៊ី​ ជីនភីង​ កំពុង​ត្រួតពល​នៅ​ក្នុង​ពិធី​ប្រារព្ធខួបលើក​ទី​ ៧០​ នៅទីក្រុងប៉េកាំង។ AFP

ស៊ី​ ជីនភីង ​និង​​​ ម៉ូឌី នឹង​រៀបចំ​ជំនួប​កំពូល​នៅ​សប្តាហ៍​នេះ​ ចំ​ពេល​តាន​តឹង​កើន​ឡើង

ក្រុង​ញូវដែលី៖ ​ក្រុម​មន្ត្រី​បាន​ថ្លែង​ថា​ នាយក​រដ្ឋមន្ត្រី​ឥណ្ឌា ​លោក​ ណារិនដ្រា​ ម៉ូ​ឌី​ និង​ប្រធានាធិបតី​ចិន ​លោក​ ស៊ី​ ជីនភីង ​នឹង​រៀបចំ​ជំនួប​កំពូល​ក្រៅ​ផ្លូវ​ការ​មួយ​ នៅ​ប្រទេស ​ឥណ្ឌា​ភាគ​ខាង​ត្បូង ​នៅ​​ថ្ងៃ​សុក្រ​ នៅ​ចំពេល​មាន​ភាព​តាន​តឹង​នៅ​ក្នុង​ទំនាក់​ទំនង​របស់​ពួក​គេ​ទាំង ​២​​​។​

ការ​​ជួ​បគ្នា​នោះ​ បាន​គ្រោង​ធ្វើ​ឡើង​អស់​ជា​ច្រើន​ខែ​មក​ហើយ អំពី​បញ្ហា​រវាង​ប្រទេស​ធំ​ទាំង ​២ ​នៅ​លើ​ពិភព​លោក​ជុំវិញ​ជម្លោះ​ពាណិជ្ជកម្ម​ ព្រំដែន ​និង​វិធានការ​ទំនាក់ទំនង​ការ​ទូត​របស់​ពួក​គេ​រៀងៗ​ខ្លួន​។​

ក្រសួង​ការបរទេស​របស់​ឥណ្ឌា​ មិន​បាន​ប្រកាស​ជា​ផ្លូវ​ការ​អំពី​កិច្ច​ប្រជុំ​ នៅ​ក្នុង​រដ្ឋ​តាមីល​ ណាឌូ ​នៃ​ទីក្រុង​ម៉ាម៉ាល់​ឡា​ប៉ូ​រ៉ាម​ ដែល​ត្រូវ​បាន​គេ​ស្គាល់​ថា ​ជា​ទីក្រុង​សម្បូរ​ទៅ​ដោយ​ប្រាសាទ​បុរាណ ​និង​ស្ថាបត្យកម្ម​ ប្រវត្តិសាស្ត្រ​របស់​ខ្លួន​ផង​នោះ​ទេ​។​

ប៉ុន្តែ​ប្រទេស ​ឥណ្ឌា ​បាន​ធ្វើ​ការ​ចុះ​ឈ្មោះ​ប្រព័ន្ធ​ផ្សព្វផ្សាយ​ឲ្យ​ចូល​យក​ព័ត៌មាន​នៅ​ក្នុង ​«​កិច្ច​ប្រជុំ​កំពូល​ក្រៅ​ផ្លូវ​ការ​ឥណ្ឌា-​ចិន ​លើក​ទី ​២​»​ ហើយ​ក្រុម​មន្ត្រី​ចិន ​បាន​កំពុង​ស្វែង​រក​កន្លែង​ស្នាក់នៅ​ក្នុង​ទីក្រុង​សម្រាប់​ប្រជុំ​ជា​ច្រើន​សប្តាហ៍។​

ក្រុម​សារព័ត៌មាន​ឥណ្ឌា​ បាន​ថ្លែង​ថា​ លោក​ ស៊ី​ ជីនភីង​ និង​លោក ​ណារិនដ្រា ​ម៉ូ​ឌី​ នឹង​ធ្វើ​ទស្សនកិច្ច​ទៅ​​កន្លែង​គួរ​ឲ្យ​ចាប់​អារម្មណ៍​មួយ​ចំនួន​នៅ​ទីក្រុង​ម៉ាម៉ាល់​ឡា​ប៉ូ​រ៉ាម​ ដើម្បី​បន្ត​ចូល​រួម​កិច្ច​ប្រជុំ​កំពូល​ក្រៅ​ផ្លូវ​ការ​លើក​ដំបូង​របស់​ពួក​គេ​ នៅ​ក្នុង​ទីក្រុង​វ៉ូ​ហាម​នៃ​ប្រទេស ​ចិន ​កាល​ពី​ខែ ​មេសា ​ឆ្នាំ ​២០១៨​។​

កិច្ច​ប្រជុំ​នោះ​បាន​ធ្វើ​ឡើង​ក្នុង​ស្មារតី​ដោយ​ប្រុង​ប្រយ័ត្ន​ខ្ពស់​ ដោយ​បាន​ពិភាក្សា​អំពី​ភាព​ជាប់​គាំង​នៅ​ប៉ុស្តិ៍​ជម្លោះ​ព្រំដែន​មួយ​កន្លែង​នៅ​តាម​ជួរ​ភ្នំ​ហិមាល័យ​។​

លោក ​ស៊ី​ ត្រូវ​បាន​គេ​រំពឹង​ថា ​នឹង​ចាកចេញ​ពី​ឥណ្ឌា​នៅ​ថ្ងៃ​សៅរ៍​ ខណៈ​ប្រព័ន្ធ​ផ្សព្វផ្សាយ​​នេប៉ាល់​និយាយ​ថា​ នឹង​ទៅ​​ប៉ាគីស្ថាន៕​ AFP/SK​

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។