.jpg)
លោក ស៊ី ជីនភីង ជួបជាមួយលោក ណារិនដ្រា ម៉ូឌី នៅក្រុងឈីនណៃប្រទេសឥណ្ឌាភាគខាងត្បូង កាលពីថ្ងៃទី ១១ ខែ តុលា។ រូបថត Xinhua
ក្រុងឈីនណៃ៖ ប្រធានាធិបតីចិន លោក ស៊ី ជីនភីង និងនាយករដ្ឋមន្ត្រីឥណ្ឌាលោក ណារិនដ្រា ម៉ូឌី បានឯកភាពគ្នានៅទីនេះកាលពីថ្ងៃសុក្រ ដើម្បីជំរុញឲ្យមានការស្វែងយល់គ្នាទៅវិញទៅមក នៅក្នុងចំណោមក្រុមជនស៊ីវិល ដើម្បីទទួលបានការអភិវឌ្ឍ និងភាពរីកចម្រើនរួមគ្នា។
លោក ស៊ី ជីនភីង និងលោក ណារិនដ្រា ម៉ូឌី បានរៀបចំកិច្ចប្រជុំក្រៅផ្លូវការលើកទី ២ របស់ពួកគេ នៅក្រុងឈីនណៃ ប្រទេស ឥណ្ឌា ភាគខាងត្បូង បន្ទាប់ពីកិច្ចប្រជុំដំបូងរបស់ពួកគេនៅកណ្តាលក្រុងវ៉ូហាន របស់ប្រទេស ចិន កាលពីខែ មេសា ឆ្នាំ ២០១៨។
នៅអំឡុងដំណើរទស្សនកិច្ចរបស់លោក ស៊ី ជីនភីង ចេញពីសណ្ឋាគារឆ្ពោះទៅក្រុងមហាបាលីប៉ូរ៉ាម នៅក្នុងរដ្ឋតាមីល ណាឌូ មានមនុស្សម្នាយ៉ាងច្រើន បាននាំគ្នាដើរចេញមកស្វាគមន៍ នៅក្នុងនោះមានសិស្សសាលាក្មេងៗជាច្រើន បានឈរតម្រង់ជួរនៅតាមផ្លូវបានគ្រវីទង់ជាតិចិន និងឥណ្ឌា ដោយមានក្រុមបុរស និងស្ត្រីវ័យក្មេង ក្នុងសម្លៀកបំពាក់ប្រពៃណីឥណ្ឌាបានច្រៀងចម្រៀង និងរាំ ដើម្បីស្វាគមន៍ប្រធានាធិបតីចិនសម្រាប់ដំណើរទស្សនកិច្ចរបស់លោកមកកាន់ប្រទេស ឥណ្ឌា។
ដោយការស្វាគមន៍ទទួលលោក ស៊ី នៅកន្លែងច្រកចូលនោះ លោក ម៉ូឌី បានសម្តែងការស្វាគមន៍យ៉ាងកក់ក្តៅបំផុតចំពោះលោកប្រធានាធិបតីចិន ស៊ី ជីនភីង។
លោក ស៊ី ជីនភីង បានហៅការជួបគ្នាឡើងវិញរបស់លោក ជាមួយលោក ម៉ូឌី នៅក្រុងវ៉ូហាមកាលពីឆ្នាំ ២០១៨ ថាទទួលបានជោគជ័យ ដែលនាំឲ្យមានទំនាក់ទំនងចិន-ឥណ្ឌា ឈានទៅរកដំណាក់កាលថ្មីមួយ ហើយបានថ្លែងថា លោកមានការសប្បាយរីករាយយ៉ាងខ្លាំង ដោយបានមកដល់ ឥណ្ឌាភាគខាងត្បូង ដើម្បីស្វែងយល់អំពីប្រទេសនេះ៕ Xinhua/SK
