.jpg)
ក្រុមនាយកប្រតិបត្តិនៃគណបក្ស ផាឡាំង ប្រាឆារ៉ាត់ ក្នុងចំណោមពួកគេ មេដឹកនាំបក្ស គឺលោក Uttama Savanayana (ទី៥ ពីឆ្វេង)។ BKP
ក្រុងបាងកកៈ យោងតាមលទ្ធផលនៃការស្ទង់មតិរបស់សាកលវិទ្យាល័យ សួនឌូស៊ីដ រ៉ាចាផាត់ ឬសួនឌូស៊ីត បានឲ្យដឹងថា គណបក្សផាឡាំងប្រាឆារ៉ាត់ (PPRP) គឺភាគច្រើនបំផុតទំនងជាទទួលបានជោគជ័យនៅក្នុងការបង្កើតរដ្ឋាភិបាលថ្មីមួយ ដែលបានអនុវត្តដោយគណបក្សភឿថៃ និងក្រុមចម្រុះមួយរបស់គណបក្សអនាគតឆ្ពោះទៅមុខ គណបក្សប្រជាធិបតេយ្យ និងគណបក្ស ភូមិចៃថៃ។
ការស្ទង់មតិនោះ ត្រូវបានធ្វើឡើងកាលពីថ្ងៃទី ១៤ ដល់ ១៨ ឧសភាទៅលើប្រជាជនចំនួន ១ ១៣២ នាក់ នៅទូទាំងប្រទេស ដើម្បីប្រមូលផ្តុំទស្សនៈរបស់ពួកគេ ជុំវិញបន្តចលនានានា ដើម្បីបង្កើតរដ្ឋាភិបាលថ្មីមួយ ដោយក្រុមគណបក្សចម្រុះទាំងអស់នោះ។
ដោយបានសួរ ទៅនឹងអ្វីដែលពួកគេគិតអំពីគណបក្សភឿថៃនៅក្នុងការបង្កើតរដ្ឋាភិបាលថ្មី មានចំនួន ៤៣,៧៦ ភាគរយ បាននិយាយថា គណបក្សភឿថៃមានសមាជិកសភាច្រើនជាងគេនៅក្នុងសភា គួរត្រូវបានគេផ្តល់ឱកាសឲ្យ ចំនួន ៣៩,៥៩ ភាគរយ បាននិយាយថា អាចមានឱកាសទទួលបានជោគជ័យជាមួយអាសនៈមួយចំនួន ដែលខ្លួនទទួលទិន្នន័យពីការស្ទង់មតិនោះ ហើយ ២០,៩២ ភាគរយ បានគិតថា វាមិនទំនងជាមានលទ្ធភាពប្រមូលបានសំឡេងគ្រប់គ្រាន់ ដើម្បីបង្កើតរដ្ឋាភិបាលនោះទេ។
សម្រាប់គណបក្សផាឡាំងប្រាឆារ៉ាត់ PPRP ចំនួន ៤៦,០៣ ភាគរយ បាននិយាយថា គណបក្សនេះមានឱកាសទទួលបានជោគជ័យនៅក្នុងការបង្កើតរដ្ឋាភិបាល ដោយមានការគាំទ្រពីគណបក្សតូចៗជាច្រើនទៀតចូលរួម ៣៥,៤៤ ភាគរយ បាននិយាយថា វាមានការតថ្លៃអំណាចយ៉ាងខ្លាំង ដោយមានការគាំទ្រពីរដ្ឋាភិបាលបច្ចុប្បន្ន ហើយចំនួន ៣១,២៦ ភាគរយចង់បង្កើតរដ្ឋាភិបាលថ្មីដោយយុត្តិធម៌ និងតម្លាភាព។
ដោយសួរអំពីឱកាសសម្រាប់គណបក្សផ្សេងៗទៀត ដូចជាគណបក្សអនាគតឆ្ពោះទៅមុខ គណបក្សប្រជាធិបតេយ្យ គណបក្សភូមិចៃថៃ ដើម្បីបង្កើតរដ្ឋាភិបាលថ្មីចំនួន ៥០,៤៧ ភាគរយ បាននិយាយថា ជម្រើសនេះគួរឲ្យចាប់អារម្មណ៍ ខណៈប្រជាជនចង់ឃើញការផ្លាស់ប្តូរ៕ BKP/SK
